Riviersonderendberge
Die Riviersonderendberge is 'n bergreeks in die Wes-Kaap, wat strek vanaf Villiersdorp in die weste tot verby Stormsvlei in die ooste. Dit is deel van die Kaapse Plooigordel. Die noordekant van die berg word deur die Breederivier gedreineer en die suide deur die Sonderendrivier.
Die dorpe Genadendal, Greyton en Riviersonderend lê aan voet van die berg aan die suidekant en McGregor aan die noordekant. Kanonberg (1 466 m) is een van die pieke van die berg by Greyton terwyl Pilaarkop (1 627 m) die hoogste piek van die berg is.
By die dorp Riviersonderend gaan die N2 nasionale pad digby die berg verby. Die Boesmanskloof-wandelroete gaan oor die berg en verbind Greyton met McGregor.
Bron
[wysig | wysig bron]- Cape West: 2nd edition. A relief map of the most southerly part of Africa.
