Afrika-lepelaar
| Lepelaar | |
|---|---|
| |
| Kazinga Channel, Kenia | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | |
| Spesie: | P. alba
|
| Binomiale naam | |
| Platalea alba Scopoli, 1786
| |
| Sinonieme | |
|
Platalea tenuirostris Temminck, 1820 | |
Die Afrika-lepelaar (Platalea alba) is 'n hoë, skraal waadvoël met 'n kenmerkende lepelvormige snawel. Die voël vlieg met sy nek uitgestrek, nie ingetrek soos reiers en witreiers nie. Die Afrika-lepelaar is sowat 90 cm lank en spierwit met 'n kuif op die agterkop. Die snawel en pote is rooierig.
Die Afrika-lepelaar word oral in Suider-Afrika, behalwe in baie droë streke, by binnelandse damme en riviere aangetref. Hulle wei gewoonlik in klein groepe in vlak water. Die stapelkos is klein waterdiertjies en dit word verkry deur water met die snawel te skep en dan te sif deur die koppe ritmies heen en weer te beweeg.
Wanneer Afrika-lepelaars slaap, staan hulle op een been met die kop tussen die skouervere. Hulle vlieg in formasie met uitgestrekte nekke en pote. Afrika-lepelaars broei saam met ibisse en ander waadvoëls in kolonies, maar hou hulle eenkant.
Die 2 tot 3 eiers is wit en gespikkel en word in 'n vlak nes van riete of ander waterplante gelê. Die broeityd strek van April tot Desember.
In Engels staan die voël as die African Spoonbill bekend.
Sien ook
[wysig | wysig bron]- Alfabetiese lys van Suid-Afrikaanse voëls
- Lys van Suid-Afrikaanse voëls (gegroepeer)
- Lys van Suider-Afrikaanse voëls volgens wetenskaplike name
Bron
[wysig | wysig bron]- Sasol Voëls van Suider-Afrika. Struik Nature. Vierde Uitgawe 2011. ISBN 978-1-77007-926-7
Eksterne skakels
[wysig | wysig bron]Wikimedia Commons het meer media in die kategorie Afrika-lepelaar.
