N14 (Suid-Afrika)
 | ||||
| Roete-inligting | ||||
| Onderhou deur SANRAL en GDPV | ||||
| Lengte | 1 186 km (737 mi) | |||
| Belangrike aansluitings | ||||
| Wespunt |  N7 by Springbok | |||
 N10 in Upington N18 by Vryburg N1 by Centurion | ||||
| Oospunt |  R101 Schubartstraat/ Potgieterstraat in Pretoria | |||
| Ligging | ||||
| Stede | Krugersdorp Pretoria | |||
| Dorpe | Springbok Upington Kuruman Vryburg | |||
| Snelwegstelsel | ||||
Genommerde roetes in Suid-Afrika
| ||||
Die N14 is een van die nasionale paaie in Suid-Afrika. Die pad verbind Springbok, Noord-Kaap, met Pretoria, Gauteng, nadat dit deur die Noordwesprovinsie gegaan het. [1]
Die N14 begin in Springbok en hou noordoos. Springbok is op die rand van Namakwaland en gou is die reisiger in die Boesmanland. Die pad is lank en reguit vir 103 km tot by Aggeneys se afdraai waar die N14 verby hou. Aggeneys is sowat 9 km padlangs van die N14 af. Na ’n verdere 53 km gaan die N14 deur Pofadder. Die volgende nedersetting is Bladgrond 58 km verder en nou betree die reisiger die Benede-Oranjeriviervallei. Na nog 64 km is die afdraai na Augrabieswaterval. Kakamas is 10 km verder, waar die N14 oor die Oranjerivier gaan. Nou bly die N14 net noord van die Oranjerivier se oewer en 46 km verder is Keimoes. Buite Keimoes sluit die R27-hoofpad by die N14 aan en nog 45 km verder is die reisiger in Upington. Hier word die N10 nasionale pad gekruis.
Die N14 hou noordoos en parallel vir 40 km langs die Oranjerivier. Die Oranje hou suidoos en die N14 hou dan vir 118 km reguit tot by Olifantshoek, die reisiger is nou in die streek bekend as die "Groot Noordweste". Na ’n verdere 22 km word die afrit na Sishen verbygery; net voor die afrit kruis die reisiger die Sishen-Saldanha-spoorlyn en die R385 hoofpad. Na ’n verdere 28 km word Kathu verbygery en Kuruman is 48 km verder. Hier word die R31-hoofpad gekruis. Vryburg is ’n 140 km noordoos, die pad is nog steeds lank en reguit. Ongeveer halfpad word die Noordwesprovinsie binnegegaan.
In Vryburg word die N18 gekruis. Die natuur verander vinnig en die reisiger is nou in die Wes-Transvaalstreek. Mielielande en graansilo’s is oral te sien. Delareyville is 82 km verder, nog steeds hou die pad noordoos. Op pad na Sannieshof, wat 41 km verder is, word verby Barberspan gery. By Barberspan is die Barberspan Nasionale Reservaat. Die Hartsrivier loop parallel met die N14 tot by Biesiesvlei, 18 km verder. Nou swaai die N14 oos, kruis die Hartsrivier en 47 km verder word Coligny deurgery, met Ventersdorp nog 53 km verder oos. Die N14 swaai nou geleidelik noordoos, gaan verby die Klerkskraaldam en kruis die R500-streeksroete na 60 km. Nou gaan die N14 Gauteng binne.
Die reisiger is nou in die streek bekend as die Hoëveld. Vir die volgende 40 km loop die N14 langs die Wieg van die Mensdom verby, hou noordoos verby Krugersdorp en swaai dan meer noord by Muldersdrift. Die N14 is nou ’n snelweg oppad na Pretoria, net 65 km verder. Die N14 gaan verby Lanseria lughawe en net hierna word die Jukskeirivier gekruis. Die N14 gaan dan by Diepsloot verby en kruis die R55 hoofpad en by die Brakfonteinwissellaar draai die N14 skerp-noord op die Ben Schoeman-hoofweg tot in Pretoria. Die N14 kruis die Gautrein spoorlyn tweekeer voor Pretoria bereik word. Die Voortrekkermonument is ook nou duidelik sigbaar. Die N14 eindig net voor die Kgoši Mampuru II-bestuursgebied-gebou (die ou Pretoria Sentrale Gevangenis) in Potgieterstraat teëgekom word.[2][3][4]
Sien ook
[wysig | wysig bron]Verwysings
[wysig | wysig bron]- ↑ (en) Falkner, John (Mei 2012). Suid-Afrikaanse genommerde roetebeskrywing en bestemmingsontleding (Report). Nasionale Departement van Vervoer. Archived from the original on 6 Junie 2014. https://web.archive.org/web/20140606100245/http://www.transport.gov.za/LinkClick.aspx?fileticket=5qOHvOI4KuY%3d. Besoek op 1 September 2014.
- ↑ Op Pad in Suid-Afrika. B.P.J. Erasmus 1995 ISBN 1-86842-026-4.
- ↑ Padlangs deur Suid-Afrika. 2010. ISBN 978-1-77007-751-5
- ↑ South Africa Road Atlas. MapStudio. 2010. ISBN 1-86809-709-9
Eksterne skakels
[wysig | wysig bron] |
Wikimedia Commons bevat media in verband met N14 (Suid-Afrika). |
