Macchi C.202

Macchi C.202
'n Macchi C.202 vegter te Wright-Patterson Field by Dayton, Ohio vir evaluasie
Tipe	Vegvliegtuig
Vervaardiger
Nooiensvlug	10 Augustus 1940
Bekendstelling	Julie 1941
Onttrek	1951
Status	Uit diens gestel
Aantal gebou	1,150
Ontwikkel van	Macchi C.200
Weergawes	Macchi C.205

Die Macchi C.202 was 'n Italiaanse vegvliegtuig wat deur die Italiaanse Lugmag gebruik is tydens die Tweede Wêreldoorlog. Dit word deur die meeste geskiedskrywers as die beste Italiaanse vegvliegtuig van die Tweede Wêreldoorlog beskou. Die vliegtuig is die Folgore genoem; dit beteken weerligstraal. Hierdie vliegtuig is ontwikkel uit die Macchi C.200 en weens die onbeskikbaarheid van kragtige motors, is die Daimler-Benz DB 601 vloeistofverkoelde enjin uit Duitsland ingevoer in 1940. Die Macchi C.202 het begin vlieg in Augustus 1940 en die resultate was bevredigend; dit was 97 km/h vinniger as die Macchi C.200.

In November 1941 was die vliegtuig in Libië teen die Britse Lugmag ontplooi waar dit die Curtiss P-40 Warhawk en die Hawker Hurricane oortref het. Op sy beurt is hy slegs oortref deur die Spitfire en die P-51 Mustang.

Toe die voorraad Daimlermotors opgebruik is, het hulle dieselfde motors gebruik wat onder lisensie deur Alfa Romeo gebou is. Teen 1942 was die Macchi C.202 die volopste vliegtuig in die Italiaanse Lugmag. Daar is ongeveer 12 000 van hulle gebou. Die Luftwaffe het 'n klein aantal van die vliegtuie gebruik.

• Lys van vegvliegtuie

• Crosby, Francis: THE WORLD ENCYCLOPEDIA OF FIGHTERS & BOMBERS. 2015. ISBN 978-1-84476-917-9