Lynette Blignaut

Lynette Blignaut, ’n Suid-Afrikaanse skrywer, is in 1950 gebore as die dogter van die skrywer Toek Blignaut (Johanna Marthina Sophia Blignaut) en Jacobus Nicolaas Francois (Jaap) Blignaut. Sy skryf onder haar nooiensvan Lynette Blignaut en haar getroude van, Lynette Scott.

Sy het 'n suster, Leandré, wat as Leandré Hanekom self talle boeke skryf. In 1967 matrikuleer sy aan die Hoërskool Lyttelton. Lynette behaal in November 1988 'n honneursgraad in biblioteekkunde, met kinderliteratuur as hoofvak. Haar tesis is getiteld Humor in kinderliteratuur.

Sy skryf die roman Bestemming gister ^[1]onder haar nooiensvan en daarna skryf sy onder haar getroude van, Scott.^[2] Sêra-sêra waaikant is die verhaal van vier doodgewone jong meisies op universiteit aan die begin van hul lewe. Amber droom van beter wêrelde, maar verbeur haar enigste kans en moet haar geliefde kunsstudie staak; Rynie droom van roem as 'n swemheldin, maar moet haar drome laat vaar toe sy haar skouer breek; Hessie se enigste doel is om 'n man te kry en Maretha is die praktiese een wat die verhaal, en die vriendinne, bymekaarhou.

Werke uit haar pen sluit in:^[3][4]

• 1979 - Bestemming gister
• 1980 - Sêra-sêra waaikant (Lynette Scott)
• 1986 - Op die rostrum (Lynette Scott)