Lord oom Piet
| Lord Oom Piet | |
|---|---|
| Regisseur | Jamie Uys |
| Draaiboek | Emil Nofal Jamie Uys |
| Met | Bob Courtney Madeleine Usher Jamie Uys |
| Musiek deur | Roy Martin |
| Kinematografie | Judex C. Viljoen |
| Redigeerder | Harry Hughes |
| Verspreider | Nu Metro |
| Uitgereik | 1962 |
| Speeltyd | 85 minute |
| Land | Suid-Afrika |
| Taal | Hoofsaaklik Afrikaans met Engelse dialoog |
| IMDb-profiel | |
Lord Oom Piet is 'n Afrikaanse rolprent wat in 1962 vrygestel is. Dele van die dialoog is ook in Engels. Die regisseur was Jamie Uys terwyl Emil Nofal en Jamie Uys die skryfwerk behartig het. Uys het ook die hoofrol as Oom Piet vertolk.
Genre
[wysig | wysig bron]Die rolprent is 'n komedie.
Hoofrolspelers
[wysig | wysig bron]- Jamie Uys as Oom Piet Kromhout.
- Bob Courtney as Sir David Willoughby.
- Madeleine Usher as Joan Willoughby.
- Tromp Terréblanche as Hannes van der Merwe.
- Morné Coetzer as Paul Kromhout.
- Hettie Uys as Susanna Kromhout
- Johan du Plooy as aankondiger
- Arthur Swemmer
En andere.
Storielyn
[wysig | wysig bron]Oom Piet Kromhout van Kransberg is 'n geharde Afrikaner en staatmaker-ondersteuner van die Nasionale Party. Sy buurman, Sir David, verteenwoordig die Verenigde Party en staan teenoor Oom Piet in 'n tussenverkiesing. Die twee boere kibbel oor politiek, onbewus daarvan dat hulle tiener-kinders op mekaar verlief is.
Toe ontvang Oom Piet ontvang skokkende nuus dat hy die titel Lord Bentwood geërf het - een van sy voorvaders, 'n 1820-setlaar, was 'n jonger broer van die destydse Lord Bentwood. Intussen het die Suid-Afrikaanse Bentwoods hul familienaam verafrikaans. Hierdie kan hom sleg te staan kom in die verkiesing. Om dinge te vererger daag hordes Britse bediendes op om hulle nuwe baas te ontmoet.
Oom Piet kan nou maar vergeet om die verkiesing te wen. Hy is so gretig om van die lastige titel ontslae te raak, dat hy dit wil weggee. Maar al manier hoe hy weer ‘n nie-adellike kan word, is deur ‘n adellike soos Sir David te daag tot 'n tweegeveg, en te verloor... verloor teen die man wat hy juis in die verkiesing wil uitstof!
