Pschent
| |||||
| Pschent in hiërogliewe |
|---|
Die Pschent (Antieke Grieks: ψχεντ) was die naam van die dubbele kroon van Antieke Egipte. Die Egiptenare het dit gewoonlik die sechemti (sḫm.tỉ), die "Twee Magtiges", genoem.[1] Dit was ’n kombinasie van die rooi Desjret-kroon van Benede-Egipte en die wit Hedjet-kroon van Bo-Egipte.
Die Pschent was verteenwoordigend van die farao se mag oor die hele verenigde Egipte.[2] Dit het twee dieresimbole bevat: die kobra, bekend as die oeraeoes, wat die Benede-Egiptiese godin Wadjet verteenwoordig het, en ’n aasvoël as verteenwoordiger van die Bo-Egiptiese godin Nechbet. Hulle is aan die voorkant van die Pschent vasgemaak en is die "Twee Dames" genoem.
Argeologie en mitologie
[wysig | wysig bron]Nes die Desjret- en die Hedjet-kroon, het geen Pschent bewaar gebly nie. Dit is net bekend uit afbeeldings, inskripsies en antieke verhale.
Van die gode wat soms met die dubbele kroon uitgebeeld word, is Horus[3] en Atoem, wat albei die farao verteenwoordig het of ’n spesiale verhouding met hom gehad het.[4]
-
Die Pschent.
-
’n Beeld van Amenhotep III met die kroon.
-
Die valkgod Horus met die dubbele kroon.
-
’n Ring van Ptolemaeus VI met die Pschent.
Verwysings
[wysig | wysig bron]- ↑ Griffith, Francis Llewellyn, A Collection of Hieroglyphs: A Contribution to the History of Egyptian Writing, the Egypt Exploration Fund 1898, p.56
- ↑ Dunand, Françoise; Christiane Zivie-Coche, Gods and Men in Egypt: 3000 BCE to 395 CE, Cornell University Press 2004, pp.32f.
- ↑ Zandee, Jan, Studies in Egyptian Religion: Dedicated to Professor Jan Zandee, Brill 1982, p.74
- ↑ The New Encyclopaedia Britannica, Encyclopaedia Britannica, Inc. 2005, p. 689
Eksterne skakels
[wysig | wysig bron]Wikimedia Commons het meer media in die kategorie Pschent.
