Gulag: A History
Gulag: A History
| |
|---|---|
| |
Applebaum by die bekendstelling van haar boek.
| |
| Skrywer | Anne Applebaum |
| Onderwerp | Goelag |
| Uitgewer | |
| Uitgegee | 2003 |
| Bladsye | 720 |
| ISBN | 978-0767900560 |
Gulag: A History, ook gepubliseer onder die titel Gulag: A History of the Soviet Camps, is 'n niefiksieboek oor die geskiedenis van die Sowjetunie se Goelagstelsel. Dit is deur die Amerikaanse skrywer Anne Applebaum geskryf en in 2003 deur Doubleday gepubliseer. Gulag het in 2004 die Pulitzerprys vir algemene niefiksie[1][2] en die Duff Cooperprys gewen.[3] Dit is ook vir twee ander pryse benoem.[3]
Die boek stippel die geskiedenis van die Goelagorganisasie uit, van sy begin onder Wladimir Lenin en die Solofki-gevangeniskamp, deur die bou van die Witsee-Oossee-kanaal, sy geweldige groei tydens die Groot Suiwering en die Tweede Wêreldoorlog, tot met sy afskaling ná die dood van Josef Stalin en eindelike sluiting in die 1980's. 'n Groot deel van die boek word gewy aan die lewens en sterftes van gevangenes, insluitende hulle gevangeneming, ondervraging, verhoor, vervoer, besonderhede oor hulle werk- en woonomstandighede, hulle verhongering en siektes, en die omstandighede van hulle eindelike sterfte. Die boek leun swaar op argiewe uit die Sowjetera en die dagboeke en ander geskrifte van oorlewendes van die kampe.
Verwysings
[wysig | wysig bron]- ↑ "'The Known World' Wins Pulitzer Prize for Fiction". The New York Times. 6 April 2004. Besoek op 2 Maart 2020.
- ↑ "Pulitzer Prize Winners: General Non-Fiction". pulitzer.org. Besoek op 14 Maart 2008.
- ↑ 3,0 3,1 Award Winning Books[dooie skakel], Random House-webtuiste
Skakels
[wysig | wysig bron]- Applebaum se bladsy oor Gulag op haar webtuiste
- "'Gulag': The Other Killing Machine". Resensie: Gulag: A History. The New York Times. 11 Mei 2003.
- "'Gulag': First Chapter". The New York Times. 11 Mei 2003.
Hierdie artikel is in sy geheel of gedeeltelik uit die Engelse Wikipedia vertaal.
