Guadalajara

Guadalajara
Kaart	Wapen



	Vlag


Land	Meksiko
Deelstaat	Jalisco
Koördinate	20°41′N 103°21′W / 20.683°N 103.350°W / 20.683; -103.350
Gestig op	14 Februarie 1542
Oppervlakte:
- Totaal	151 vk km
Hoogte bo seevlak	1 566 m
Bevolking:
- Totaal (2020)	1 385 629
- Bevolkingsdigtheid	10 491/vk km
- Metropolitaanse gebied	5 286 642
Tydsone	UTC -6 (CST)
Somertyd	UTC -5 (CDT)
Klimaat
- Tipe	Subtropiese klimaat
- Gemiddelde jaarlikse temperatuur	20,9 °C
- Gem. temp. Januarie/Julie	17,1 / 22,0 °C
- Gemiddelde jaarlikse neerslae	1 002,4 mm
Burgemeester	Pablo Lemus Navarro (MX)
Amptelike webwerf	guadalajara.gob.mx

Guadalajara (Spaans: [ɡwɑːdələˈhɑːrə], luister (hulp·inligting), amptelik: Ciudad de Guadalajara) is die hoofstad en grootste stad van die Meksikaanse deelstaat Jalisco, die tweede grootste stad van Meksiko ná Meksikostad en dit is op 14 Februarie 1542 deur Spanjaarde onder Cristóbal de Oñate as Espíritu Santo (die Heilige Gees) gestig. Die stad het in 2015 'n bevolking van 1 460 148 en van 5 002 466 in die metropolitaanse gebied Guadalajara/Zapopan gehad en beslaan 'n oppervlakte van 151 km².

Kaart van die metropolitaanse gebied Guadalajara/Zapopan

Guadalajara is geleë net suidoostelik van Zapopan, noordwes van Meksikostad en suidwes van León. Die stad staan bekend as Perla del Occidente, die pêrel van die Weste, is 'n belangrike ekonomiese sentrum en knooppunt vir lug- en padvervoer. In 1818 en 1875 is Guadalajara deur swaar aardbewings verwoes en daarna weer opgebou. Die Hospicio Cabañas van Guadalajara is in 1997 deur Unesco as 'n wêrelderfenisgebied gelys. Dit was een van die gasheerstede tydens die FIFA Sokker-Wêreldbekertoernooi in 1970, FIFA Sokker-Wêreldbekertoernooi in 1986 en FIFA Sokker-Konfederasiebeker in 1999. Tydens die FIFA Sokker-Wêreldbekertoernooi in 2026 sal weer wedstryde hier aangebied word.