Groenkloof-natuurreservaat

Groenkloof-natuurreservaat
	Uitsig oor Groenkloof-natuurreservaat
Land	Suid-Afrika
Provinsie	Gauteng
Naaste dorp	Pretoria
	; Groenkloof-natuurreservaat
Koördinate: 25°47′36.24″S 28°12′14.04″O / 25.7934000°S 28.2039000°O
Openingsjaar	1895
Bestuursliggaam	Dept. van Natuurbewaring
Webblad	webtuiste

Moenie verwar word met die besprekings- en hoofkantoor van SANParke, wat ook Groenkloof genoem word, nie.

Die Groenkloof-natuurreservaat is 'n natuurreservaat in Groenkloof, Pretoria. President Paul Kruger het die gebied op 25 Februarie 1895 as 'n beskermde gebied verklaar, die eerste van sy soort in Afrika. Die hoofdoel was om die skaam en skugter oorbietjie, wat daar voorgekom het, en ander wild teen jagters te beskerm. Die reservaat was egter vir baie jare lank verhuur vir eksotiese plantasies, om hout en papier te voorsien. 'n Gedenkmuur kan gesien word langs die ruïnes van die opstal van 'n vroeë pionier Cornelius Bronkhorst wat rondom 1839 hier gewoon het.

Die reservaat word omring deur Christina de Witlaan en Nelson Mandelarylaan, wat dit skei van die Voortrekkermonument en Klapperkop-natuurreservaat. Hierdie reservate beslaan 'n totaal van 1 400 ha bankenveldplantegroei wat bedreig word in Gauteng.^[1] Toegang vir dagbesoekers is vanaf 5:30 tot 19:00 in die somer, en 7:00 tot 18:00 in die winter.

Plantegroei

Die reservaat is geherproklameer in 1994 en die plantasies is verwyder sodat die natuurlike plantegroei kon herstel. Oop grasveld kom langs die Apiesriviervallei en die hoër plato voor. Inheemse bome soos witstinkhout, gewone haakdoring, bergkaree, fluweelboswilg, gewone drolpeer en deurmekaarbos kom voor op die heuwels en in die vallei.^[2]

Dierelewe

Die reservaat is tans vol sebras, blesbokke, rooibokke, koedoes, blouwildebeeste, swartwitpense, rooihartbeeste, kameelperde en volstruise. Rooijakkalse, gewone duikers en klipdassies kom ook voor. Voëls sluit tarentale, bosveldfisante en bospatryse in.

Noemenswaardige ongewerweldes wat in die reservaat voorkom sluit in Gunning se skerpioen (Hadogenes gunningi), bobbejaanspinnekop, vioolspinnekop (L. speluncarum) wat endemies is aan die grotte van die Pretoria-omgewing,^[3]^[4] en die Calommata transvaalica,^[5] wat bedreig word deur verstedeliking in Gauteng.

Fasiliteite en aktiwiteite

Toegangsgelde verskil afhangende van die aktiwiteit en die aantal persone. Die reservaat is baie gewild onder fietsryers en daar is 'n 20 km bergfietsroete. Die drie staproetes word aangewys as die rooi (1.3/3.5 km), wit (3,7 km) en geel (10,5 km) roetes. Stappers kan 'n oornaghut bespreek. Veldryers kan 14 km se 4x4-roetes verken, terwyl wild ook gesien kan word op die 5 km motorroete. Begeleide perderitte en ponieritte vir kinders word ook aangebied. Daar is twee piekniekareas, genaamd Meriting en Mashupeng, en 'n lapa wat vir aandfunksies gehuur kan word.

Fotogalery

Boloop van die Apiesrivier.
Die Meriting-piekniekplek.
'n Witborskatakoeroe in die Groenkloof-natuurreservaat.
'n Kameelperdkoei in die reservaat.

Eksterne skakels

http://www.tshwane.gov.za/Services/Nature%20Conservation/Pages/Groenkloof-Nature-Reserve.aspx Geargiveer 15 Februarie 2015 op Wayback Machine

Verwysings

↑ "Vegetation of South Africa, Lesotho and Swaziland. A companion to the Vegetation Map of South Africa, Lesotho and Swaziland. Edited by A Barrie Low and A (Tony) G Robelo". www.ngo.grida.no. Geargiveer vanaf die oorspronklike op 6 November 2012. Besoek op 21 Junie 2014.
↑ "Groenkloof Nature Reserve" (in Engels). www.tshwane.gov.za. Geargiveer vanaf die oorspronklike op 15 Februarie 2015. Besoek op 21 Junie 2014.
↑ Lotz, L.N. (2012). "Present status of Sicariidae (Arachnida: Araneae) in the Afrotropical region". Zootaxa. 3522: 1–41.
↑ "New data on south African species, Present status of Sicariidae" (PDF). Sansa newsletter (17): 12. Geargiveer vanaf die oorspronklike (PDF) op 6 Maart 2014. Besoek op 6 Maart 2014.
↑ Fourie, Rene; Haddad, Charles; Jocqué, Rudy (4 Mei 2011). "A revision of the purse-web spider genus Calommata Lucas, 1837 (Araneae, Atypidae) in the Afrotropical Region". ZooKeys. 95: 1–28. doi:10.3897/zookeys.95.745.

[1] "Vegetation of South Africa, Lesotho and Swaziland. A companion to the Vegetation Map of South Africa, Lesotho and Swaziland. Edited by A Barrie Low and A (Tony) G Robelo". www.ngo.grida.no. Geargiveer vanaf die oorspronklike op 6 November 2012. Besoek op 21 Junie 2014.

[2] "Groenkloof Nature Reserve" (in Engels). www.tshwane.gov.za. Geargiveer vanaf die oorspronklike op 15 Februarie 2015. Besoek op 21 Junie 2014.

[Lotz-3] Lotz, L.N. (2012). "Present status of Sicariidae (Arachnida: Araneae) in the Afrotropical region". Zootaxa. 3522: 1–41.

[sansa17-4] "New data on south African species, Present status of Sicariidae" (PDF). Sansa newsletter (17): 12. Geargiveer vanaf die oorspronklike (PDF) op 6 Maart 2014. Besoek op 6 Maart 2014.

[ZooKeys-5] Fourie, Rene; Haddad, Charles; Jocqué, Rudy (4 Mei 2011). "A revision of the purse-web spider genus Calommata Lucas, 1837 (Araneae, Atypidae) in the Afrotropical Region". ZooKeys. 95: 1–28. doi:10.3897/zookeys.95.745.

[1]

[2]

[3]

[4]

[5]