Anna Anderson
Anna Anderson (16 Desember 1896 – 12 Februarie 1984) is die bekendste van die baie mense wat voorgegee het hulle is ’n oorlewende gesinslid van tsaar Nikolaas II van Rusland ná die moord op die keiserlike gesin. Sy het beweer sy is tsaar Nikolaas se jongste dogter, Anastasia.[1][2] Die regte Anastasia is op 17 Julie 1918 in Jekaterinburg, Rusland, saam met haar ouers, susters en broer deur die Bolsjewiste tereggestel, maar dit was onbekend wat van hul lyke geword het.
In 1920 is Anderson opgeneem in ’n hospitaal vir geestelik versteurdes nadat sy in Berlyn probeer selfmoord pleeg het. Sy het haarself daarna eers Fräulein Unbekannt (Duits vir "Mej. Onbekend") genoem en geweier om haar identiteit bekend te maak. Later het sy eers die van Tsjaikofski en toe Anderson gebruik. In Maart 1922 het bewerings dat sy Anastasia is, vir die eerste keer die publiek se aandag getrek. Die meeste oorlewende lede van die Romanof-familie het gesê dat Anderson jok, maar baie mense het haar geglo. In 1927 het ’n private speurder, wat deur die tsarina se broer, Ernst Ludwig, Groothertog van Hesse, aangestel is, uitgevind Anderson is Franziska Schanzkowska, ’n Poolse fabriekswerker met ’n geskiedenis van geestelike versteuring. Ná ’n hofsaak wat baie dekades geduur het, het ’n Duitse hof beslis Anderson kon nie bewys dat sy Anastasia is nie.[3]
Tussen 1922 en 1968 het Anderson in Amerika en Duitsland gewoon en in sanatoriums en verpleeginrigtings. Sy het in 1968 na Amerika geïmmigreer en kort voordat haar visum verval het, getrou met Jack Manahan, ’n geskiedenisprofessor van Virginië. Ná haar dood in 1984 is Anderson se lyk veras en in Duitsland begrawe. Ná die verbrokkeling van die Sowjetunie is bekend gemaak waar die lyke van die tsaar, tsarina en al vyf hul kinders is en verskeie laboratoriums in verskeie lande het hul identiteit deur middel van DNS-toetse vasgestel.[1][4] Toetse op hare en ander weefsel van Anderson het gewys dat haar DNS nie ooreenstem met die Romanof-familie s’n nie,[5][6] maar wel met dié van Karl Maucher, ’n familielid van Franziska Schanzkowska.[6] Wetenskaplikes, historici en die groot nuusagentskappe aanvaar dat Anderson wel Schanzkowska was.[1][7][8][9][10]
Verwysings
[wysig | wysig bron]- Hierdie artikel is merendeels vertaal vanaf die Engelse Wikipedia-artikel en:Anna Anderson
- ↑ 1,0 1,1 1,2 Coble, Michael D.; Loreille, Odile M.; Wadhams, Mark J.; Edson, Suni M.; Maynard, Kerry; Meyer, Carna E.; Niederstätter, Harald; Berger, Cordula; Berger, Burkhard; Falsetti, Anthony B.; Gill, Peter; Parson, Walther; Finelli, Louis N. (11 Maart 2009), "Mystery Solved: The Identification of the Two Missing Romanov Children Using DNA Analysis", PLoS ONE 4 (3): e4838, doi:10.1371/journal.pone.0004838, http://www.plosone.org/article/info%3Adoi%2F10.1371%2Fjournal.pone.0004838
- ↑ Godl, John (Augustus 1998), "Anastasia: The Unmasking of Anna Anderson", The European Royal History Journal (Oakland: Arturo Beeche) (VI): 3–8
- ↑ Klier and Mingay, p. 109; Kurth, Anastasia, pp. 10, 53
- ↑ Rogaev, Evgeny I.; Grigorenko, Anastasia P.; Moliaka, Yuri K.; Faskhutdinova, Gulnaz; Goltsov, Andrey; Lahti, Arlene; Hildebrandt, Curtis; Kittler, Ellen L. W.; Morozova, Irina (31 Maart 2009), "Genomic identification in the historical case of the Nicholas II royal family", Proceedings of the National Academy of Sciences 106 (13): 5258–5263, doi:10.1073/pnas.0811190106, http://www.pnas.org/content/106/13/5258.abstract
- ↑ Van der Kiste and Hall, p. 174
- ↑ 6,0 6,1 Stoneking, Mark; Melton, Terry; Nott, Julian; Barritt, Suzanne; Roby, Rhonda; Holland, Mitchell; Weedn, Victor; Gill, Peter; Kimpton, Colin; Aliston-Greiner, Rosemary; Sullivan, Kevin (9 Januarie 1995), "Establishing the identity of Anna Anderson Manahan", Nature Genetics 9: 9–10, doi:10.1038/ng0195-9, http://www.nature.com/ng/journal/v9/n1/abs/ng0195-9.html
- ↑ Sykes, Bryan (2001), The Seven Daughters of Eve, New York: Norton, p. 75, ISBN 0 393 02018 5
- ↑ Massie, p. 249
- ↑ Gutterman, Steve (23 Augustus 2007), Bones turn up in hunt for last czar's son, Associated Press, http://www.msnbc.msn.com/id/20417240/
- ↑ Sieff, Martin (1 Mei 2008), Romanov mystery finally solved, United Press International, http://www.upi.com/news/issueoftheday/2008/05/01/Romanov-mystery-finally-solved/UPI-19691209678305/
- Klier, John; Mingay, Helen (1995), The Quest for Anastasia, Londen: Smith Gryphon, ISBN 1-85685-085-4
- Massie, Robert K. (1995), The Romanovs: The Final Chapter, Londen: Random House, ISBN 0-09-960121-4
- Van der Kiste, John; Hall, Coryne (2002), Once A Grand Duchess: Xenia, Sister of Nicholas II, Phoenix Mill: Sutton Publishing, ISBN 0-7509-2749-6
