Cynodontia

Cynodontia Tydperk: Laat Perm–Middel-Kryt 260–94 m. jaar gelede PreЄ Є O S D C P T J K Pg N
’n Skelet van Belesodon magnificus in die Staatliches Museum für Naturkunde Stuttgart.
Wetenskaplike klassifikasie
Koninkryk:	Animalia
Filum:	Chordata
Klas:	Synapsida
Orde:	Therapsida
Suborde:	Cynodontia (Broom, 1905)

Cynodontia, of die sinodonte ("met hondetande"), is terapsides wat in die Laat Perm-periode sowat 260 miljoen jaar gelede die eerste keer hul verskyning gemaak het. Die groep sluit moderne soogdiere in, sowel as hul uitgestorwe voorsate en naby-verwante. Sinodonte wat nie soogdiere was nie, het deur Suid-Gondwana versprei en fossiele is in Suid-Amerika, Afrika, Indië en Antarktika ontdek. In die Noordelike Halfrond is fossiele ontdek in die oostelike Noord-Amerika, België en Noordwes-Frankryk. Cynodontia is een van die uiteenlopendste groepe terapsides.

Die vroeë sinodonte het baie van die moderne soogdiere se eienskappe gehad, soos verskillende soorte tande vir byt, skeur en kou, en die breinholte het agtertoe gebult. Die meeste sinodonte het waarskynlik eiers gelê. Die openinge by die slape was baie groter as by hul voorsate en die vorming van ’n meer soogdieragtige skedel sou sterker kaakspiere moontlik gemaak het. Hulle was moontlik warmbloedig.

Hier onder is ’n kladogram van Ruta, Botha-Brink, Mitchell en Benton (2013), wat een teorie wys van die verwantskappe tussen sinodonte:^[1]

• Palaeos cynodonts Geargiveer 13 Maart 2006 op Wayback Machine
• Filogenie van Cynodontia Geargiveer 13 Januarie 2008 op Wayback Machine