Bewick-swaan
| Bewick-swaan | |
|---|---|
| |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Superorde: | |
| Orde: | |
| Familie: | |
| Subfamilie: | |
| Genus: | |
| Spesie: | C. bewickii
|
| Binomiale naam | |
| Cygnus bewickii (Yarrell, 1830)
| |
Die Bewick-swaan (Cygnus bewickii) is 'n kleiner swaan wat in die Noordelike halfrond voorkom. Sommige wetenskaplikes beskou hierdie swaan dieselfde as die fluitswaan, maar ander hou vol dat die twee tog verskillende spesies is.
Bewick-swane verkies kouer temperature en word in Noord-Rusland, Siberië, die Britse Eilande, Frankryk, Nederland, Wes-Duitsland en Denemarke aangetref. Pogings is al aangewend om hierdie swane in Suid-Afrika te teel, maar weens die hoë temperature was dit nog nie suksesvol nie.
Hierdie swane het 'n wit veredos met 'n swart snawel. Soos die fluitswaan en singswaan het die Bewick-swaan kenmerkende geel vlekke aan die basis van sy snawel. Die Bewick-swaan se vlekke is egter groter as dié by die fluitswaan, maar kleiner as dié van die singswaan: waar die Bewick-swaan se geel vlekke net tot by sy neusgate strek, strek die singswaan s'n oor die neusgate.
Die Bewick-swaan se geluid klink ook eenders as die singswaan s'n, maar is sagter en meer musikaal. Die voël se waarskuwingsroep is 'n kras "howk", wat verskeie kere herhaal word.
Hul dieet bestaan hoofsaak uit waterplante, graad, saad en gras, maar hulle sal ook die lê- en dryfkorrels van hoenders en eende vreet.
Bewick-swane bou hulle nes gewoonlik op 'n klein eiland van mos en watergras. Die wyfie lê drie tot vyf roomwit eiers wat na 27 tot 28 dae uitbroei. Die kuikens is self na vier jaar broeigereed.
Sien ook
[wysig | wysig bron]- Alfabetiese lys van Suid-Afrikaanse voëls
- Lys van Suid-Afrikaanse voëls (Groepeer)
- Lys van Suider-Afrikaanse voëls volgens wetenskaplike name
Bronnelys
[wysig | wysig bron]- Hilko Insel, (2005): Eksotiese Watervoëls. LAPA Uitgewers, Pretoria. ISBN 0799334286