Ozarkplato
Die Ozarkplato, Ozarkberge of Ozarkhoogland, kortweg bekend as die Ozarks, is 'n streek in die deelstate Missouri, Arkansas en Oklahoma in die VSA, sowel as 'n klein deel van Kansas.[1] Die Ozarks dek 'n aansienlike deel van Noord-Arkansas en die grootste deel van die suidelike helfte van Missouri.
Daar is twee bergreekse in die Ozarks: die Bostonberge van Arkansas en Oklahoma, en die Sint Francoisberge van Missouri. Die Wahzhazhepiek is op 781 m die hoogste punt in die Ozarks; dit is in die Bostonberge geleë. Geologies is die gebied 'n breë koepel, met die ontblote kern in die antieke Sint Francoisberge. Die Ozarks dek amper 120 000 km2, en dit is dus die grootste hooglandstreek tussen die Appalache en die Rotsgebergte.
Die Salemplato, wat genoem is na Salem, Missouri, is die grootste geologiese gebied van die Ozarks. Die tweede grootste is die Springfieldplato, genoem na Springfield, Missouri, wat die bynaam Queen City of the Ozarks het. Aan die noordelike grens van die Ozarks is die stede St. Louis en Columbia, Missouri. Belangrike stede van die streek in Arkansas sluit in Fayetteville, Bentonville, Springdale, Eureka Springs en Fort Smith. Branson, net noord van die grens tussen Arkansas en Missouri, is 'n toeristebestemming waar die Ozarkkultuur gewild is.
Etimologie
Die toponiem Ozarks is dalk afgelei van die Franse afkorting aux Arcs (kort vir aux Arcansas, "van die Arkansas" (meervoud).[2][3] In die dekades voor die Frans-Indiese Oorlog van 1754 tot '63, het aux Arkansas verwys na Frankryk se handelspos by Arkansas Post, by die samevloei van die Arkansas- en die Mississippirivier.[4][5][6]
Nog 'n moontlike etimologiese oorsprong is die Franse frase aux arcs, "land van die boë",[7] met verwysing na die dosyne natuurlike brûe wat deur erosie gevorm is en ingevalle grotte in die streek.[8]
Teen die vroeë 20ste eeu is die naam "Ozarks" algemeen gebruik.[9][10]
Verwysings
- ↑ "Ozark Plateau | GeoKansas". geokansas.ku.edu. Besoek op 25 Augustus 2024.
- ↑ Okrent, Arika (August 20, 2014). "Why Isn't 'Arkansas' Pronounced Like 'Kansas'?" Mental Floss. Besoek op 11 Julie 2021.
- ↑ Stewart, George R. (1967). Names on the Land: A Historical Account of Place-Naming in the United States. Boston: Houghton Mifflin. p. 137.
- ↑ Randolph, Vance (1931). The Ozarks: An American Survival of Primitive Society. New York: The Vanguard Press. p. 14.
- ↑ Arnold, Morris S. (1985). Unequal Laws Unto a Savage Race: European Legal Traditions in Arkansas, 1686-1836. Fayetteville: University of Arkansas Press. ISBN 0-938626-76-0.
- ↑ Arnold, Morris S. (1991). Colonial Arkansas 1686-1804: A Social and Cultural History. Fayetteville: University of Arkansas Press. ISBN 1-55728-222-6.
- ↑ Miller, E. Joan Wilson (1969). "The naming of the land in the Arkansas Ozarks: A study in culture processes". Annals of the Association of American Geographers. 59 (2): 240–251. doi:10.1111/j.1467-8306.1969.tb00668.x.
- ↑ Watkins, Conor. "Ozarks geology: Clifty Creek Natural Area includes natural bridge" Geargiveer 4 Februarie 2015 op Wayback Machine, The Ozarks Chronicle, Rolla, Mo.
- ↑ Morrow, Lynn (1996). "Ozark/Ozarks: Establishing a Regional Term". White River Valley Historical Quarterly. 36 (2). Geargiveer vanaf die oorspronklike op 28 September 2008. Besoek op 8 September 2006.
- ↑ McMillen, Margot Ford. A to Z Missouri: The Dictionary of Missouri Place Names, Columbia, Missouri: Pebble Publishing, 1996. ISBN 0-9646625-4-X
Skakels
Wikimedia Commons het meer media in die kategorie Ozarkplato.
Hierdie artikel is in sy geheel of gedeeltelik uit die Engelse Wikipedia vertaal.
