Tāi-hoà Kái-sin

Tāi-hoà Kái-sin (Ji̍t-bûn: 大化の改新; khá-nah: たいかのかいしん ^{Taika no Kaishin}) sī 646 nî Ji̍t-pún ê chi̍t tiûⁿ siā-hōe chèng-tī kái-kek. I chú-iàu ê lōe-iông sī hòe-tû hit-tang-chūn hô-cho̍k choan-chèng ê chè-tō͘, hāu-hoat Tiong-goân Tông-tiâu hông-tè ê thé-chè lâi kiàn-li̍p chi̍t ê tiong-iong chi̍p-koân ê kok-ka. Che tùi lo̍h-bóe Ji̍t-pún le̍k-sú ê hoat-tián ū chin chhim-oán ê éng-hióng.