觀塘站

觀塘
Kwun Tong

觀塘站1號月台
站名
中文名	觀塘站
英文名	Kwun Tong Station
站代碼	KWT
基本資訊
車站色	白色
途經路線	觀塘綫
站服務時間	0550-0134 尾班車時間
接駁交通	巴士、小巴
車站結構
站類	架空
月台類	島式月台
月台數	2
出口數	12
其它設施	其它無障礙設施
地圖

觀塘站（Gun¹tong⁴ Zaam⁶）（英文：Kwun Tong Station）喺香港港鐵觀塘綫上面嘅一個架空車站，位於香港觀塘區觀塘市中心，喺1979年10月1號開幕，嗰陣時屬於修正早期系統嘅總站。1989年8月6號，東區海底隧道通車，觀塘綫延長至鰂魚涌，取代呢個站成為觀塘綫嘅新總站。而家深夜部分班次亦會以呢個站做總站。

呢個站位於觀塘區嘅觀塘道上，喺藍田同牛頭角兩個站中間，由於車站嘅彎度較大，所以月台空隙較闊。而月台上面原本係深灰色紙皮石嘅牆身同柱身，喺車站翻新時改為白色人造纖維板，並喺車站大堂加裝冷氣，令車站大堂唔再太侷。觀塘站外牆嘅色系係灰黑色同天藍色，而大堂同月台嘅色系係白色。

此外，車站下面設有一條行車隧道，主要方便觀塘道嘅車喺車站下面穿過，唔使經過觀塘道、協和街及開源道迴旋處，減輕有關路段擠塞情況。該行車隧道同觀塘站一齊起，而家由路政署管理。

U2 月台		路軌
		往調景嶺
	島式月台，右邊嘅車門將會打開
		往黃埔
		路軌
U1 大堂	大堂	客務中心、車站商店
		恒生銀行、自動售賣機、自動櫃員機
		「e分鐘著數」機
G 地面	-	出口、巴士總站
-	行車隧道	觀塘道行車隧道

商店冧巴	商店名	鄰近出口	商店冧巴	商店名	鄰近出口
車站商店
KWT01	香港駕駛學院	A	KWT02	美心西餅	A
KWT03	7-Eleven		KWT04	天德燕窩禮品店	C
KWT05	藝匠修鞋配匙服務中心	C	KWT06	東海堂
KWT07	Starbucks Coffee	B	KWT08	健康工房	B
KWT09	燕之家		KWT10	優之良品
KWT11	美心西餅		KWT12	八方社數碼
KWT13	家居樂貿易公司	C	KWT14	康而健店	C
KWT15	7-Eleven		KWT16	榮華
KWT17	大班麵包西餅	D	KWT18	7-Eleven	D
KWT19	点点綠
銀行或自動櫃員機
HSB01	恒生銀行	C	ATM01	恒生銀行自動櫃員機	C
ATM02	中國銀行 (香港) 自動櫃員機	D 收費區	ATM03	恒生銀行自動櫃員機	B
其他自助服務
-	自動售賣機	B、C、D	-	郵箱服務	A
-	「e分鐘着數」機	C

觀塘站設有2個月台，並共用同一個島式月台，1號月台係觀塘綫往調景嶺方向嘅列車用，而2號月台係觀塘綫往黃埔方向嘅列車用。

由於該站沿觀塘道路面上面起，因此月台彎度較高，引致月台同列車之間嘅空隙較闊，故此港鐵公司喺列車同埋月台上播放廣播提醒乘客注意月台空隙，並喺月台邊緣加上膠條縮窄有關空隙。

另外，在觀塘站東面設有掉頭路軌，畀列車掉頭或停泊。現時深夜部分班次會以觀塘站作終點站，再用該掉頭路軌返九龍灣車廠。

觀塘站一共有12個出口，分佈喺車站兩邊及中間，主要連接觀塘區嘅市中心及工業區。

• A - 裕民坊
  • A1 - 輔仁街、康寧道、賽馬會診所、觀塘政府合署、瑞和街、裕民坊
    • 設有升降機及失明人士引導徑往返地面
  • A2 - apm、東亞銀行中心、巧明街、觀塘道、創紀之城五期、駿業里、駿業街、Landmark East
    • 設有升降機及失明人士引導徑往返地面
• B - 開源道
  • B1 - 駱駝漆大廈、東瀛遊廣場、觀塘渡海碼頭、宏利金融中心、成業街、源成中心、開源道、興業街
  • B2 - 觀塘廣場、泓富廣場
  • B3 - 香港中華廠商聯合會、海濱道、巧明街、鴻圖道、開源道、偉業街、觀塘公眾碼頭、觀塘碼頭廣場
• C - 協和街
  • C1 - 基法小學、梁發紀念禮拜堂、天香街、月華街
  • C2 - 巴士總站、協和街
  • C3 - 協和街小巴站、賽馬會診所、物華街、和樂邨、裕民坊
• D - 鯉魚門道
  • D1 - 翠屏邨、觀塘泳池、觀塘遊樂場、觀塘職業訓練中心、觀塘技能訓練中心、基督教家庭服務中心、香港專業教育學院觀塘分校、香港歷史檔案大樓、觀塘警署、巴士總站
    • 設有失明人士引導徑往返地面
  • D2 - 協和街
  • D3 - 開源道
  • D4 - 觀塘工業中心、東九龍政府合署、觀塘法院、敬業街、勞工處就業中心、鯉魚門道

編輯	觀塘綫
黃埔 - 何文田 - 油麻地 - 旺角 - 太子 - 石硤尾 - 九龍塘 - 樂富 - 黃大仙 - 鑽石山 - 彩虹 - 九龍灣 - 牛頭角 - 觀塘 - 藍田 - 油塘 - 調景嶺

• 九巴：
  • 1A、3D、5R、6P、11B、11C、11D、11X、13D、13M、13P、14、14B、14H、14X、15、15A、15X、16、16M、17、23、23M、26M、28B、28S、33B、38、38P、40、40A、40P、42C、62X、69C、74C、74D、74E、74F、74P、74X、80、80P、80X、83A、83X、88X、89、89C、89D、89P、89X、93A、93K、95M、98、98A、213B、215P、215X、234C、234D、252X、258A、258D、258P、258S、259D、267X、268A、268C、269C、274X、277A、277E、277P、277X、296A、296C、889、X42C、X42P、W2、N3D、N293
• 城巴：
  • 796S、A22、A29、E22、E22A、E22C、E22S、E22X、N29、NA29
• 過海隧道巴士：
  • 101、101X、601、601P、606、606A、606X、619、619P、641、671、671X、N619
• 九龍專線小巴：
  • 22M - 觀塘裕民坊 ↔ 樂華邨
  • 23B - 觀塘裕民坊 ↔ 茶果嶺
  • 23M - 觀塘裕民坊 ↔ 匯景花園
  • 34M - 觀塘裕民坊 ↔ 曉麗苑
  • 36A - 觀塘裕民坊 ↔ 康利苑
  • 47 - 觀塘站 ↔ 順利邨 （八達通轉乘優惠）
  • 50 - 觀塘裕民坊↔ 基督教聯合醫院
  • 59／59M - 翠屏南邨 ↺ 觀塘協和街／福塘道（八達通轉乘優惠）
  • 其他路線：23、63
• 新界專線小巴：
  • 10M - 觀塘裕民坊 ↔ 慧安園
  • 13 - 觀塘裕民坊 ↔ 康盛花園
  • 其他路線：102、102B、103
• 紅色公共小巴：
  • 觀塘裕民坊 ↔ 藍田
  • 觀塘裕民坊 ↔ 秀茂坪
  • 觀塘裕民坊 ↔ 鯉魚門
  • 油塘油麗邨 ↺ 觀塘裕民坊
  • 觀塘福塘道 ↔ 觀塘曉明街
  • 觀塘福塘道 ↔ 觀塘馬蹄徑
• 跨境巴士
  • 觀塘跨境快線 - 藍田站 ↔ 落馬洲皇崗口岸／廣州（八達通轉乘優惠）

由於觀塘站係山上面嘅公共交通工具重要接駁車站，有好多居民都會用其他公共交通工具轉車上去山上住宅區。而且呢個站係觀塘道上，喺正住宅區同工業區交界，每日朝早同夜晚都好多嘅人流。隨住香港工業轉型，愈嚟愈多工業大廈被改建為商業樓宇，當中比較出名嘅係創紀之城，而家創紀之城五期入面嘅商場「apm」亦成為潮流聖地，更令觀塘站人流增長迅速。

根據1970年嘅《集體運輸計劃總報告書》，起緊嘅集體運輸系統共分為4個優先發展嘅早期系統工程及其餘5個稍後發展工程，當時觀塘站係第4期工程嘅其中一個被優先考慮起，同時係成個系統嘅觀塘支綫東面終點站。

1975年，由於「早期系統」修正做「修正早期系統」，所以呢個站成為「修正早期系統」嘅上行線總點，貫通九龍東、中同埋港島嘅住宅、工業同埋商業區，「修正早期系統」喺1979年落成啟用。

為配合荃灣綫通車，喺1982年5月10號，修正早期系統旺角至觀塘段改叫觀塘綫，列車由當日起只行走觀塘至油麻地各站，而往中環嘅乘客需要喺旺角站轉車。其後，除咗小規模翻新外，觀塘站喺1979年至到1989年期間冇大改動，該站一直係觀塘綫嘅總終站。

1984年，政府批准起東區海底隧道，並且將觀塘綫延伸到去港島東區，將觀塘綫嘅總站延長至到去鰂魚涌站，改變咗呢個站作為觀塘綫嘅上行綫總站嘅歷史。

機場鐵路落成之後，地鐵為咗配合現代化設計，喺1998年至到1999年間，喺觀塘站做大型翻新工程，為車站加裝咗冷氣系統；並且將舊有嘅深灰色紙皮石嘅牆身同埋柱身，改做白色人造纖維板，同時亦都加咗升降機落地。

2005年，地鐵再整過個車站外牆，為觀塘站外牆拆走舊時嘅深灰色紙皮石，再改成藍色、白色嘅牆身；同時亦都將出口嘅石屎地板改咗做地磚，為車站帶嚟新形象。工程喺2006年中搞掂。

翻新行人天橋上蓋工程喺2008年展開。新上蓋用料主要分兩種：金屬板同透明纖維板。金屬板放喺上蓋正中間，保護電燈、揚聲器等電力設施，透明纖維板就放喺上蓋兩旁，增加採光度，減少用電燈，較以前用不透明物料環保。

由於新鴻基地產喺舊有嘅東九龍廣場起創紀之城五期，所以喺2001年至到2005年將原本嘅A2出口封閉嚟拆嘢。當創紀之城五期落成之後，將原本嘅行人天橋重建，而新嘅行人天橋有冷氣同埋加咗升降機落地，並且將天橋擴闊咗一倍幾，A2出口亦喺2005年2月重開。由於創紀之城五期裏面亦包括一個大型商場apm，成為地鐵系統第一個得英文嘅指示牌APM，但係後嚟因為發展商話英文字母 a 應該係細草，所以將指示牌改成aPM。

地鐵公司喺2006年7月再次為觀塘站進行車站改善工程，並加設更多商店同埋改善車站通道，以方便乘客由apm進入車站，改善人流增長後所出現嘅擠塞情況。

由於觀塘市中心重建計劃喺度研究緊，所以A1同埋C1出口嘅行人天橋將會有機會分階段封閉重建，亦都喺觀塘站帶嚟新人流。

上一站		港鐵		下一站
牛頭角 往黃埔		觀塘綫		藍田 往調景嶺

月台	方向	列車班次（分鐘）						頭班車	尾班車
		平日上晝 繁忙時段	平日下晝 繁忙時段	星期六上晝 繁忙時段	星期六下晝 繁忙時段	星期六 非繁忙時段	平日非繁忙時段/ 星期日及公眾假期
	往調景嶺	2.1	2.3	2.5		4-5.3	3.1-5.9	0604	0104
	往黃埔							0600	0030
	往彩虹							0600	0113

• 港鐵公司－觀塘站街道圖
• 港鐵公司－觀塘站位置圖
• 港鐵公司－觀塘站列車服務時間