耶利米書

《耶利米書》係《舊約聖經》嘅大先知書，內容主要係先知耶利米嘅講辭，亦包括以第三人稱提及先知嘅傳記材料。

作者：耶利米
日期：公元前560年
地點：耶路撒冷（大部分）

先知耶利米係公元前七世紀末到六世紀初嘅人。喺佢長期執行先知任務時，佢警告上帝嘅子民，由於佢哋拜偶像犯罪，國家將蒙受嚴重嘅災難。佢在世嗰陣親眼睇見預言嘅實現，耶路撒冷陷喺巴比倫尼布甲尼撒手中，城同聖殿被毁，猶大王同好多人民被放逐去巴比倫。佢亦預言將來人民要歸回故土，重整家園。

耶利米書可以分為五部份：

1. 耶利米蒙召。
2. 當約西亞、約雅敬、約雅斤、西底家諸王統治時上帝傳畀猶大同佢嘅統治者嘅信息。
3. 耶利米秘書巴錄嘅回憶錄，包括耶利米嘅預言同生平重要嘅事蹟。
4. 耶和華指示有關列國嘅信息。
5. 附錄：記述耶路撒冷嘅陷落同人民被擄到巴比倫嘅經過。

耶利米係一個感情豐富、熱愛同胞嘅人。佢唔鍾意宣判人民嘅罪。喺好多經節裏面，佢透露心中無限嘅感慨，描述佢因為蒙召做先知而受嘅各種痛苦。喺佢心中，上帝嘅話如火焚燒一樣，佢唔可以唔講。

呢卷書裏面有啲重要嘅話超越耶利米自己嘅時代而指向新約嘅日子。嗰時，上帝嘅子民將遵守新約，唔再需要導師嘅提醒，因為新約要寫喺佢哋心裏面。

1. 耶利米蒙召（1章1-19節）
2. 約西亞、約雅敬、約雅斤、西底家諸王時代嘅預言（2章1節-25章38節）
3. 耶利米嘅生平事蹟（26章1節-45章5節）
4. 斥責列國嘅預言（46章1節-51章64節）
5. 耶路撒冷嘅陷落（52章1-34節）