把握今日

把握今日，拉丁話名句格言，至早出自賀拉斯首詩，西元前廿三年作。拉丁文原寫carpe diem ，英文seize the day亦好常見。話就今日，亦可以講把握當下、把握當前，今下呢一刻。好似唐人講人生苦短及時行樂、活在當下咁。有推斷講，本意可見於兩河流域神話^[1][2]。呢種諗法亦同其他思想共有。基督教聖經，好似舊約全書，依撒意亞廿二章十三節，我哋一齊來飲飲食食，為咗聽日死。新約全書，格林多前書十五章卅二節，都有同一句。

賀拉斯原句寫carpe diem, quam minimum credula postero，即話，把握今日，聽日祇信少少，愈少愈好。呢句點解，後人有啲分歧^[3]。呢個可以譬喻，譬喻種嘢，出自天然之樂。喺花盛菓熟，就要當時摘落來^[4]。carpe為動字，講主動，語氣祈使，限第二人稱，限單人，限現今。隻字本意講摘，然而賀拉斯借為享受、把握、用咁意思^[5]。而diem為名字，dies賓格，受事用，字意日，亦都指今日、當前^[6]。

後世好多引用呢句，拉丁文又好，英文又好。見於唔同種類作品。

原詩並非一行一句。有啲幾行一句，有啲句喺行中間斷開。標點後人加，古時亦無分大細階。當中你指魯哥耐，Leuconoe。

全詩咁解。

魯哥耐，知者有罪。你唔好問，諸神畀我畀你乜終期。亦唔好求巴比倫占數表。我哋至好承受曬佢，將來點都好，唔論曜必爹亞神畀我哋多幾個冬天，定呢個冬，係我哋至後一個，佢正正浸蝕緊，泰利輕林海對住啲浮石。要有智慧，濾過啲酒，斬長盼做短間。我哋講嘢嗰陣，令人羨慕啲時光走晒。把握今日，聽日嘅話，信得愈少愈好。