香港鐵路有限公司

  想搵香港嘅鐵路系統嘅話，請睇港鐵。

香港鐵路有限公司

類型	上市公司（香港交易所）
ISIN（中文：國際證券識別碼）	HK0066009694
開檔	1975年
總部地址	香港
業務地區	世界各地，包埋： 香港 澳門 中國內地深圳、北京、杭州、同埋來往廣州同埋香港沿線嘅廣深港高速鐵路與城際客運服務 英國倫敦 瑞典斯德哥爾摩 澳洲墨爾本及悉尼 及其他
緊要人物	歐陽伯權主席 金澤培行政總裁
產業	鐵路
產品	鐵路營運（港鐵）及物業管理
網址	港鐵公司官方網頁

 香港鐵路有限公司（粵拼：hoeng1 gong2 tit3 lou6 jau5 haan6 gung1 si1） （英文：MTR Corporation Limited；港交所：00066，OTCBB：MTRJY），簡稱港鐵公司，係香港一間上市跨國企業，主要業務包括營運港鐵鐵路系統。

香港政府於1975年成立地下鐵路公司（Mass Transit Railway Corporation），由政府全資擁有，負責營運當時重起緊嘅香港地下鐵路。2000年10月5號，地下鐵路公司響香港聯合交易所主板上市，改名做地鐵有限公司（MTR Corporation Limited），政府雖然重係大股東，但賣咗近10億手嘅股票，成為香港上市公司之中股票持有人最多嘅公司。

香港地鐵上市係香港政府將資產私營化嘅一個重要步伐，標誌住政府進一步減少對自由市場嘅干預。上市後地鐵公司嘅盈餘有進一步增長。2005年，地鐵錄得84億港元盈利，比1997年嘅2.78億港元重要高。目前為止，香港地鐵係全球少數有錢賺嘅公共交通系統。

2006年4月11號，行政會議通過咗九廣鐵路公司同地鐵公司合併，喺得到地鐵小股東通過之後得到落實，公司中文名改為「香港鐵路有限公司」，但英文名會保留^[1]。

2007年8月8號，香港政府宣佈錢果豐、周松崗係新公司嘅候任主席同行政總裁。2007年12月2號兩鐵合併嗰日，地鐵有限公司改名香港鐵路有限公司，經營由地鐵同埋九鐵合併而成嘅港鐵鐵路系統。

睇港鐵

港鐵而家喺中國北京、深圳、上海、杭州、瀋陽、英國倫敦、瑞典斯德哥爾摩同埋澳洲悉尼(悉尼地鐵西北及班克斯敦線 Sydney Metro North West & Bankstown Line-悉尼地鐵列車 Metro Trains Sydney)同墨爾本(墨爾本地鐵列車 Metro Trains Melbourne)，擁有當地公共交通網絡嘅專營權。

同時，港鐵仲有緊一條高速鐵路。佢喺香港嘅嗰段係屬於港鐵經營。

港鐵而家營運緊深圳地鐵4號線，2024年會營運埋13號線。

京港地鐵（即港鐵+北京地鐵）的4(大興線)、14、16同17號線。 ＊注意❗️2號線並非港鐵運營

杭港地鐵營運杭州地鐵1同5號線，其中1號線營運公司杭州杭港地鐵有限公司是由杭州地鐵一號線投資有限公司（佔51%股份，隸屬於杭州地鐵集團）同在香港註冊的港鐵杭州一號線投資有限公司（佔49%股份，隸屬於本公司）喺2012年9月在中國杭州合作成立嘅特許營運公司，經營年限為25年。而5號線運營公司杭州杭港地鐵五號線有限公司係由杭州市地鐵集團有限責任公司（占股40%）和港鐵五號線投資控股（香港）有限公司（占股60%）喺2017年合資成立。

2007年6月19號，倫敦市長利文斯通宣布，地鐵同埋Laing合組嘅財團，拎到London Overground嘅經營權，為期七年，可以選擇續多兩年^[2]，總值七億英鎊。

所謂嘅London Overground，係將倫敦地鐵嘅西倫敦線、北倫敦線同埋部分依家叫Silverlink嘅市區鐵路線合併做新嘅北倫敦鐵路，而東倫敦線會擴建，並且擺埋落Overground度。地鐵公司有份嘅財團要負責埋，改進當地車站嘅設施，同埋令到乘客可以用Oyster咭嚟搭車^[3]

另外，港鐵亦都有營運西南鐵路(South Western Railway)(由第一集團（70%）和港鐵公司（30%）所有)同伊利沙伯綫。

而家港鐵公司管理緊以下商場^[4]：

• 德福廣場（九龍灣站）
• 匯八坊（彩虹站）
• 香港國際機場（機場站）
• 香港亞洲博覽館（博覽館站）
• 國際金融中心商場（中環站）
• 國際廣場（尖沙咀站）
• 匯景廣場（藍田站）
• 綠楊坊（荃灣站）
• 杏花新城（杏花邨站）
• 青衣城（青衣站）
• 連理街（坑口站）
• PopCorn（將軍澳站）
• 圓方（九龍站，港鐵公司佔80%權益，其餘由新鴻基地產持有）
• Citylink（沙田站）
• 海趣坊（屯門碼頭站）
• 駿景廣場（火炭站）
• 新屯門商場（輕鐵車廠站）
• 恒福商場（三聖站）
• THE LOHAS（康城站）
• 銀座Mall（北京地鐵二號綫東直門站）

·環球貿易廣場（九龍站）

而家地鐵有限公司係八達通卡有限公司嘅大股東，佔五成七股權^[5]。

1. ↑ 〈行政會議通過《兩鐵合併條例草案》新聞稿，香港：香港政府新聞處〉。原著喺2009年9月9號歸檔。喺2010年1月1號搵到。
2. ↑ 地鐵公司獲得London Overground專營權 歐洲發展策略踏出重要的第一步 香港：地鐵有限公司
3. ↑ Introducing London Overground - a new era for London Rail, London:Transport for London, 2006
4. ↑ 地鐵商場列表
5. ↑ 〈八達通卡有限公司股權分配，香港：八達通卡有限公司〉。原著喺2007年4月3號歸檔。喺2010年1月1號搵到。

• 港鐵公司
• 京港地鐵
• 杭港地鐵
• 港鐵（深圳）
• 港鐵（英國）
• 港鐵伊利沙伯線
• 英國西南鐵路
• 港鐵（澳洲）
• 澳洲地鐵列車
• 悉尼地鐵列車
• 墨爾本地鐵列車

呢篇香港鐵路有限公司係關於香港鐵路嘅楔位文章，重未完成嘅。麻煩你幫手補充佢嘅內容。