單戀

單戀（英文：unrequited love；日文：片想い），又叫單相思，係一種戀愛嘅形式，指一個人對另一個人單方向嘅愛戀。只有唔係兩情相悅嘅情況，先至會有單戀。

單戀者往往會喺表白之後俾對方拒絕而失戀，不過單戀者仍然可以選擇唔釋懷，保留住份感情。

單戀嘅情況係有可能改變嘅，隨住同對方相處嘅時間，對方可能會改變原本嘅心意，萌生愛意。

同暗戀嘅分別

單戀同暗戀都係戀愛嘅形式，有時會混為一談，不過兩者冇直接關係，而且有好明確嘅分別。單戀係單方向嘅愛戀，而暗戀係暗自嘅愛戀；單戀可以同時係暗戀，亦可以唔係暗戀，同樣暗戀可以同時係單戀，亦可以唔係單戀。單戀有悲劇色彩而暗戀冇。


	單戀	相思
暗戀	單向暗戀	雙向暗戀
明戀	被拒絕嘅戀愛	相戀

呢篇單戀係仲未搞掂嘅楔位文。歡迎幫維基百科擴寫佢。