三聖站

三聖站 Sam Shing

三聖站月台

區域 屯門區 位置 海榮路恒褔花園地下 代碼 920 收費區 第1收費區

通車日 1992年2月2號 車站類型 地面 月台類型 側式月台 月台數目 3

途經路線 505綫 服務時間 輕鐵行車時間表 接駁交通 巴士、小巴

街道圖 輕鐵街道圖

三聖站係香港輕鐵總站之一，代號920，屬於單程車票第1收費區，共有3個月台，只有1條輕鐵路線用此站做終點站，此站為三聖周邊地區乘客提供服務。

• 恒福商場
• 恒福花園
• 三聖邨
• 兆麟苑
• 老鼠洲兒童遊樂場
• 萬能閣
• 屯門青山灣避風塘
• 鐘聲慈善社胡陳金枝中學
• 基督教四方褔音會深培中學
• 救世軍三聖邨劉伍英學校

• 港鐵巴士
  • K51 - 富泰 ↔ 大欖（八達通免費轉乘優惠）
  • K52 - 屯門站 ↔ 龍鼓灘（八達通免費轉乘優惠）
  • K53 - 屯門站 ↔ 掃管笏（循環線）（八達通免費轉乘優惠）
  • K58 - 富泰 ↔ 青山灣（八達通免費轉乘優惠）
• 九巴
  • 52X - 旺角（柏景灣） ↔ 屯門市中心
  • 53 - 元朗（東） ↔ 荃灣（如心廣場）
  • 61M - 友愛（南）↔ 荔景（北）
  • 261 - 三聖 ↔ 天平邨
  • 261B - 三聖 ↔ 尖沙咀
• 城巴
  • 962 - 銅鑼灣（摩頓台） ↔ 龍門居
  • 962B - 銅鑼灣（摩頓台） ↔ 屯門（置樂花園）
  • 962X - 銅鑼灣（摩頓台）↔ 龍門居
  • N962 - 銅鑼灣（摩頓台） ↔ 龍門居
  • B3 - 屯門碼頭 ↔ 深圳灣口岸
• 專線小巴
  • 41 - 屯門（仁愛街市） ↔ 龍門居
  • 43 - 掃管笏 ↔ 屯門（新墟街市）（循環線）
  • 43A - 青榕街 ↔ 屯門（新墟街市）（循環線）
  • 43B - 大欖涌 ↔ 屯門（新墟街市）（循環線）
  • 43C - 屯門（新墟街市） ↔ 兆麟苑（循環線）
  • 140M - 三聖 ↔ 青衣機鐵站

• 原本設有客務中心，但由於使用率低，喺2007年4月23號閂咗。
• 已經預留空位畀輕鐵置樂段同黃金海岸段，但現已無限期擱置興建。
• 車站格局同屯門碼頭站相似，同樣係建築物下面嘅橢圓形公共交通交匯處，但因屯門碼頭站被批評行人路同輕鐵路軌太接近（亦曾發生多宗意外），三聖站嘅設計明顯唔同。

輕鐵三聖站原本係一個「三方向轉車站」，即除兆麟站去三聖站嘅來回方向外，重有兩條支線經過三聖站。呢兩條支線係：

• 輕鐵置樂支線（何福堂站→華都→置樂→恒豐→三聖站）
• 輕鐵黃金海岸支線（三聖站往黃金海岸 / 掃管笏）

三條路線都以三聖站為轉車站，所以如果三聖站完全起好，佢嘅規模非常龐大，輕鐵亦能覆蓋近乎成個新界西新市鎮地區。

不過，當時嘅港英政府以嗰兩區人口唔足以支持呢兩條輕鐵支線為理由，決定擱置興建呢兩條支線，但嗰時三聖站已經起好，結果產生咗好多「多餘」嘅預留位，亦即係現今三聖站嘅大量廢棄空地。

而家香港政府喺規劃呢條支線附近地區時亦有好多預留位，例如翠濤居對出嘅空地。而呢條支線最明顯嘅預留位除咗三聖站外，重有愛琴海岸對出嘅大空地（政府計劃喺掃管笏起新小學嗰張位置圖中，清楚指出嗰塊大空地係輕便鐵路總站同埋伸延至掃管笏路線圖）。除此之外，上面提到政府計劃喺掃管笏起嘅新小學已落實興建，起好之後，估計會有超過九百個學生搭K51同K53，而家下K51同K53喺返工返學嘅繁忙時間已接近飽和，所以黃金海岸支線興建嘅機會並唔可以排除。

此外，置樂支線亦有好多預留位，例如恆順園、冠豐園、恆豐園等屋苑對出嘅空地。