譚香文
譚香文（TAM Heung-man；1957年6月8號—）係香港執業會計師，香港立法會（功能組別會計界）前議員（2004年-2008年），黃大仙區議會議員（2003年-2007年、2012年-）。
| 譚香文 | |
|---|---|
 | |
| 出生日 | 1957年6月8號  （67歲） |
| 出生地 | 何文田 |
| 國籍 | 中華人民共和國 |
| 母校 | Middlesex University |
| 職業 | 政治人 |
| 政黨 | 人民力量、公民黨 |
[改維基數據] | |
佢曾經係泛民主派嘅一員，但喺2021年中開始向親中陣營靠攏，並且取得多名親中陣營人士提名參選主流泛民主派唔參加嘅2021年香港立法會選舉[1]。
早年
編輯譚香文祖籍廣東順德，而佢係香港出世。出世時佢喺九龍何文田木屋區（取名「香文」寓意「香港何文田」），之後佢屋企搬到九龍黃大仙東頭邨七層大廈，亦喺嗰度大。
從政生涯
編輯2003年11月23號，佢以鑽石山私人屋苑「星河明居」業主委員會嘅身份，由原區議員蔡六乘手上贏咗黃大仙區議會龍星選區議席。
2004年9月12號，喺泛民主派支持下，佢再喺功能組別會計界以相差37票之微當選立法會議員，打敗咗龔耀輝同陳茂波。
2007年2月2號，佢喺搭地鐵期間，不滿隔離嘅青年用手提電話講粗口報警。
同年區議會選舉，佢競逐連任失敗，輸畀上次對手蔡六乘。
2008年立法會選舉，佢競逐連任失敗，輸畀陳茂波。
2009年6月8號，佢認為公民黨忽視基層需要，而退出公民黨。
2011年區議會選舉，佢再贏蔡六乘，攞返黃大仙區議會議席。
2013年佢加入人民力量。
2015年區議會選舉，佢贏咗對手林作，成功冧莊。
2019年第6屆香港區議會選舉，譚香文以6098票打低莫嘉傑、陳進雄、岳敬寬（蔡六乘徒弟），榮膺當屆區選嘅票后。
2020年7月尾，譚香文忽然跳過當時訂立嘅泛民主派初選機制，話要喺第7屆香港立法會選舉出選會計界，挑戰時任議員梁繼昌[2][3]。但其後特區政府以武肺疫情為由將選舉延後一年，選舉工程暫停。之後，由於北京同特區政府未諮詢香港人、甚至乎泛民主派之下，大幅度削減直選議席比例同單方面設立國安審查，好多主流民主派組織都選擇唔參加呢次選舉。不過譚香文選擇參選九龍中選區，並且得到多名親中陣營成員，包括陳曼琪、周莉莉、郭耀偉、王坤、沈慧林、鍾子權嘅選委會提名[1]。最後佢攞到8,028票落選。
參考
編輯- ↑ 1.0 1.1 〈立法會選舉首日接十五人提名 九龍中有李慧琼與譚香文〉。《Now 新聞》 (香港中文)。喺2021-10-30搵到。
- ↑ 吳倬安 (2020-07-29)。〈立法會選舉︳譚香文選會計界 自詡民主女神挑戰梁繼昌 否認鎅票〉。《香港01》 (香港中文)。喺2021-10-31搵到。
- ↑ 〈【Emily】參選挑戰梁繼昌 譚香文自稱民主女神 - 20200730 - 港聞〉。《明報新聞網 - 每日明報 daily news》 (繁體中文)。喺2021-10-31搵到。
相關網頁
編輯- "Mandy Tam".
- 〈黃大仙區議會 - 黃大仙區議會議員資料〉 (繁體中文)。黃大仙區議會。
- 〈香港特別行政區立法會 - 議員資料庫〉 (繁體中文)。香港特別行政區立法會。
- 香港網絡大典：譚香文