火數、瓦（watt[1]，或者叫瓦特）係國際單位制嘅功率計量單位，符號係W[1]。一瓦等如指每秒1焦耳嘅能量速率。
個單位用咗蒸汽機嘅發明人，瓦特個名來紀念佢。
舊時十瓦寫做瓧，百瓦寫做瓸，千瓦寫做瓩，分瓦（十分一瓦）寫做瓰，厘瓦（百分一瓦）寫做甅或者瓼，毫瓦（千分一瓦）寫做瓱。呢啲寫法係來自日本明治時代，之不過呢個瓦係瓦蘭姆，係日本音譯gramme，家下中文克咁解，係重量單位。之後中國引進呢種寫法，變咗係功率單位。