智永
| 釋智永 | |
|---|---|
| 號 | 法極 |
| 出世 | 姓王 會稽（浙江） |
| 屋企 | 吳興縣永欣寺（浙江） |
| 別名 | 永禪師 |
| 職業 | 和尚 書法家 |
| 活躍時期 | 南朝陳到隋朝 |
| 知名作品 | 《真草千字文》 |
| 宗教信仰 | 佛教 |
生平
編輯智永俗名姓王，係東晉書法家王羲之嘅第七世孫。佢鄉下喺會稽，即係今時今日浙江省紹興嗰頭。[1]智永喺細細個嗰陣已經出咗家做和尚，後來佢雲遊去到依家屬於浙江省湖州嘅吳興縣永欣寺嗰度，喺藏書閣潛心研讀咗三十年書法，人稱永禪師。[2]據講智永深居簡出，每日都會晨咁早開始磨墨，然後臨摹王羲之嘅字帖練字，非常努力。[3]
書法成就
編輯主要作品
編輯按照北宋《宣和書譜》卷十七嘅記載，宋徽宗時期嘅御府收藏咗智永嘅草書作品《常侍帖》、《參軍帖》、《故舊帖》、《至通法師帖》、《春雨帖》同《千文》，以及楷書作品《月儀》同《獻歲帖》等等。[1]
評價
編輯唐代書法家張懷瓘喺佢本《書斷》入面，將智永嘅章草同草書列做「妙品」，而楷書[註 1]就評做「能品」。佢仲讚咗智永「微尚有道之風，半得右軍之肉，兼能諸體，於草最優」，呢度「有道」指緊草聖張芝，「右軍」就指智永嘅祖先書聖王羲之。[1]
註
編輯- ↑ 張懷瓘《書斷》入面話智永「隸入能」係指唐代嘅「今隸」，即係依家嘅楷書，而唔係今時今日講嘅隸書。