岳西

1936年安徽省府喺安慶嘅潛山、太湖，六安嘅舒城、霍山呢四箇縣嘅交界地區分出設岳西縣。

一般認爲，「岳西」呢箇名係因出自打共產黨而死嘅岳維峻，佢字西峰，「岳西」箇名就係取自佢嘅姓同半橛（音gyut⁶）字來紀念佢，呢箇講法可睇民國三十七年版嘅嘅《中華年鑒》下冊第779頁^[1]，當地人亦認可呢箇講法。

但係共產黨認爲「岳西」嘅意思係「潛嶽之西」^[2]，係箇地理位置。呢種解法係將「岳」解爲「嶽」嘅通字，同時喺簡體字入面，「嶽」歸併到「岳」。

岳西轄13箇鎮、11箇鄉、1箇開發區。

• 鎮：天堂鎮、店前鎮、來榜鎮、菖蒲鎮、頭陀鎮、白帽鎮、溫泉鎮、響腸鎮、河圖鎮、五河鎮、主簿鎮、冶溪鎮、黃尾鎮
• 鄉：毛尖山鄉、蓮雲鄉、青天鄉、包家鄉、古坊鄉、田頭鄉、中關鄉、石關鄉、姚河鄉、和平鄉、巍嶺鄉
• 單位：安徽岳西縣經濟開發區

1. ↑ 原文：中央為徹底綏靖地方，特將鄂豫皖邊區之金家寨置為立煌縣，瓦屋嶺置為岳西縣(屬皖省)，新集置為經扶縣(屬豫省)，汪洋店置為禮山縣(屬鄂省)，以辦理善後，立煌為表彰衛立煌之戰功，岳西為紀念剿共殉職之岳維峻(西峰)，而經扶則為表彰劉峙之功勛。
2. ↑ 「潛嶽」係天柱山，具體可查潛山縣，入面有關於「天柱山」同「潛山」呢兩箇名嘅聯繫。