劉家昌
劉家昌（1940年4月13號—）[1]係中華民國音樂人、電影導演同演員，祖籍山東煙台，哈爾濱出世。劉家昌演藝創作繁多，當中以華語流行樂曲成就最為顯赫。劉家昌亦曾經培育多位七八十年代華語流行樂巨星[2]，被譽為台灣樂壇20世紀70-80年代嘅大師。
| 劉家昌 | |
|---|---|
| 出世 | 1943年4月13號 哈爾濱市 |
| 職業 | 音樂人、電影導演 |
| 配偶 | 第一任：江青（1966年～1970年） 第二任：甄珍（1978年6月～） |
| 仔女 | 劉子千（1986年4月21號，甄珍生） 劉繼鵬（1960年代～，江青生） |
生平
編輯劉家昌童年時因日本侵華戰亂動盪而移居韓國仁川，中學時代做職業演唱，新竹中學畢業，1962年做僑生到台灣讀國立政治大學政治學系，1966年同台灣知名女星江青結婚，兩個人生咗一個仔劉繼鵬，不過喺1970年就離婚。之後，佢喺台灣演藝圈創作大量流行曲，電影配樂同做演員、電影導演等。1972年佢以《晚秋》電影成名，1975年嘅愛國電影《梅花》更令佢喺台灣家喻戶曉。之後，佢開始追電影界亞洲影后甄珍（原名章家珍）。劉家昌同甄珍喺美國結婚，但當時甄珍父母全家人都冇參加佢哋嘅婚禮。
1979年，劉家昌因谷名倫墜樓事件離台，定居美國。1980年代，創辦歐帝威唱片，發行自己嘅專輯《在雨中》等。1982年喺美國同甄珍合作經營旅館，1999年返台灣再發展有線電視頻道業者八大電視同博新多媒體，並參與中國國民黨嘅政黨活動。2000年，佢再因掏空媒體爭議，前往中國大陸從事酒店旅館業務[3]。
2006年6月，劉家昌喺香港舉行《往事只能回味：劉家昌音樂會》，反應熱烈。2007年4月8號晚，北京第7屆音樂風雲榜頒獎盛典上，劉家昌獲頒終身成就獎。2010年，事涉法律案件有轉寰空間，劉家昌返台灣發展。4月3號、4號，喺台北小巨蛋，及9月17、18號晚喺台中興大學蕙蓀堂舉辦《往事只能回味：劉家昌音樂會》。
提拔過嘅藝人
編輯評價
編輯作品
編輯- 《小丑》
- 《美好的今天》（中視早期開播曲，由蕭孋珠主唱）
- 《晚安曲》（中視早期收播曲，由費玉清主唱）
- 《街燈下》
- 《不一樣》
- 《往事只能回味》
- 《海鷗》
- 《梅花》
- 《秋纏》
- 《只要為你活一天》（2004年電影《功夫》主題曲）
- 《一簾幽夢》
- 《溫暖的秋天》
- 《我家在那裡》
- 《黃埔軍魂》
- 《我是中國人》
- 《中華民國頌》
- 《敲敲門》（鳳飛飛早期成名曲）
- 《國家》
- 《民國六十六年在台北》
- 《楓紅層層》
- 《小女兒的心願》
- 《諾言》
- 《小雨打在我身上》
- 《有真情有活力》
- 《在雨中》
- 《獨上西樓》
- 《胭脂淚》
- 《梅蘭梅蘭我愛你》
- 《揚帆》
- 《天真活潑又美麗》
- 《大中華》
- 《唸你》（親自為個仔劉子千打造嘅歌曲，喺網上引起極大迴響，評價兩極化。）