人口密度

人口密度（粵拼：jan4 hau2 mat6 dou6）即係一個固定嘅範圍內住咗幾多個人。一般以每平方公里計，係一個平均數^[1]。好似一笪地方有 200,000 人口、10,000 km²咁大；人口密度就係 20 / km² 即係每平方公里有 20 個人住響度。

人口密度係反映人口分佈嘅常用指標之一。適當嘅人口密度喺良好嘅居住、衛生同經濟條件之一。

雖然條公式望落好似好簡單，但係計算方法其實並唔統一，例如，喺城市規劃，美國同加拿大通常係計每英畝或者每公頃（唔係計每平方公里），而公園、路面等等唔會有人住係地算唔算入 ｢範圍｣ 入面亦可以有唔同理解，以致就算係同一個國家，唔同城市嘅人口密度亦可能比較唔到^[2][3]。

城市規劃好多時會用到 ｢低密度｣、｢中密度｣ 同 ｢高密度｣ 嘅字眼，但係其實呢啲字眼亦冇標準嘅定義^[2]。