五線譜

 五線譜（粵拼：ng5 sin3 pou2） 係樂譜一種，喺歐洲17世紀流傳落嚟，依家好多人都用嘅一種記譜法。五線譜顧名思義有五條線，線同線中間叫 ｢間｣^{[註 1]} 或者 ｢隔｣^{[註 2]}，而五線譜就係用呢啲線同隔，加啲譜號、拍子記號、音符等等嘅嘢落去嚟記低啲關於音樂嘅嘢。

五線譜嘅每條線同隔通常係表示唔同嘅音高，但係又未必；敲擊樂如果涉及多過一種敲擊樂器（例如唔同種類嘅鼓），好多時都會用五線譜，但係音符嘅位置係表示打邊隻樂器，同音高並冇關係^[1]。