Luneta

An Plaza Rizal, usa nga makasaysayan nga parke urbano ha Pilipinas. Namumutang ha ligid han Roxas Boulevard, Manila, angyaw han daan nga binungbongan nga syudad han Intramuros, ini usa ha mga gidadak-i nga mga parke urbano ha Asya. Ini nagin paborito nga parasyadahan, labi na kun Dominggo o nasodnon nga pista. An Plaza Rizal usa ha dumagko nga ginkakadtoan han mga turista ha Manila.

Namumutang ha Manila Bay, usa ini nga mahinungdanon nga sito han kanan Pilipinas kasaysayan. An pagsirot hin kamatayon han Pilipino nga patriotiko nga hi José Rizal han ika-30 han Disyembre 1896 an nagbaskog han 1896 nga gios Pilipinhon nga Rebolusyon kontra ha Ginhadian han Espanya. Ini nga lugar opisyal nga gin-ngaranan nga Rizal Park para ha iya dungog, ngan an monumento nga nagpapahidungog han iya binayaan ha lubnganan an nagseserbe nga sentro han kanan parke simbolo. An Pag-asoy han Katiglugaring han Pilipinas tikang ha Estados Unidos in ginbuhat dinhi han ika-4 han Hulyo 1946, ngan an mga kaurhian nga mga rally politikal para kan Ferdinand Marcos ngan Corazon Aquino han tuig 1986 nga nangadto ha Rebolusyon Edsa.

Usa ka turók ini nga barasahon. Dako it imo maibubulig ha Wikipedia pinaagi han pagparabong hini.