An Estokolmo (puyde liwat masurat nga Estocolmo) o kundi man Stockholm[lower-alpha 1][1] amo an pamunuan kapital nga syudad han Sweden o Suwesya. Dinhi an gidamo-i hin molupyo nga urbano nga langyab ha Sweden pati gihapon ha Scandinavia. 1 ka ribo (milyon) nga tawo naukoy dida han munisipalidad,[2] nga mga 1.6 ka ribo dida han urbano nga langyab,[3] ngan 2.4 ka ribo dida han metropolitano nga langyab.[3] Naglalakip an syudad hin mga napulo-kag-upat nga mga purô dida han dapit nga diin an Danaw Mälaren nasulog ngadto han Dagat Baltico. Ha gawás han syudad ha sinirangan, ngan ha daplin han baybayon, an sunod-sunod nga mga purô han kapurupod'an han Stockholm. Gin-ukyan iní nga dapit tikang pa han Panahon hin Bato, han ika-6 nga yukottuig BC, ngan gintukod ini nga syudad han 1252 ni Birger Jarl usá nga Suweko nga tawo-hin-estado. Iní gihapon an pamunuan han kondado han Condado han Stockholm.
pamati-a)