Rawete:Ricepeure e walon

Cisse pådje ci do Wiccionaire n’ est co k’ ene esbåtche.
Si vos avoz des cnoxhances sol sudjet, vos nos ploz aidî tot rtchôcant des dnêyes so l’ årtike : clitchîz sol boton « candjî » po radjouter des infôrmåcions.

Cisse pådje ci vos racsegne sol manire di rceper les mots e walon, ki ça soeye po l’ imprimaedje so papî u po les scrijhaedjes éndjolikes (PDF, waibe). Çou n’ est nén ene pådje sol tipografeye do walon.

Definixha

Riceper on mot, c’ est l’ côper åd dibout d’ ene lene tot shuvant les sillabes, po k’ å lijhaedje do tecse li mot rcepé ni s’ prononce nén d’ ene drole di manire. On mot pout awè (cåzu) ostant di rcepaedjes k' il a d’ sillabes. Li mot « bondjoû » /bɔ̃.d͡ʒuː/ ni s’ pout rceper k’ inte les sillabes « bon » eyet « djoû », li mot « adviertixhmint » /ad.vjɛʀ.tiʃ.mɛ̃/ si pout rceper « ad » eyet « viertixhmint », u bén « advier » eyet « tixhmint » u co « adviertixh » eyet « mint ».

Sol Wiccionaire

Li rcepaedje si fwait avou l’ modele {{Ric}}, k’ on mete dins li hagnon Prononçaedje. Li sene di pontiaedje eployî po moster li rcepaedje est l’ mîtrin pont « · » (U+00B7), ki rshonne a on simpe pont « . » (U+002E), mins plaecî e mitan del lene sol hôteur. Vos ploz eployî l’ onk u l’ ôte pont dins l’ modele, ki s’ tchedjrè d’ coridjî otomaticmint. Li mîtrin pont n’ est nén sol taprece.

Egzimpe d’ eployaedje do modele :

* {{Ric|bon·djoû}}
* {{Ric|bon.djoû}}

So papî et scrijhaedjes éndjolikes

Al machene a scrire, li rcepaedje si fwait avou l’ loyeure « - ». Po les scrijhaedjes éndjolikes, li sene eployî est l’ douce loyeure (U+00AD, soft hyphen e l’ inglès) k’ est ene loyeure ki n’ si mostere ki si nd a vormint dandjî, sorlon l’ lårdjeur del waitroûle. Cisse douce loyeure si mete so les pådjes HTML avou l’ intité  k’ est l’ minme ki  u co  Po les scrijhaedjes éndjlokikes, si on n’ mete nén li douce loyeure, li rceppaedje si fwait todi avou ene espåce copåve, li mot « bondjoû » n’ est måy ricepé.

Egzimpe d’ eployaedje so papî :

Egzimpe d’ eployaedje e-n on scrijhaedje éndjolike, avou ene douce loyeure ki n’ aparexh ki sorlon l’ lårdjeur del waitroûle :

Xxx xxx xxx xxx xxx xxx xxx xxx xxx xxx xxx xxx xxx xxx xxx bon&shy;djoû xxx xxx xxx xxx xxx xxx xxx.

Rîle do rcepaedje

on n’ ricepe nén les mots d’ on seu pî : ci, mot, la, est, foirt, bea,…
on n’ ricepe måy on foninme respondant a ene cossoune ki si scrît avou deus (u troes) letes : ch /ʃ/, gu /ɡ/, tch /t͡ʃ/, dj /d͡ʒ/, gn /ɲ/ ; såf ss /s/, ki s’ ricepe e mitan s-s : asse, boesse,…
on n’ ricepe måy on foninme respondant a ene voyale ki si scrît avou deus letes : ou /u/, oû /uː/, an /ã/, in /ɛ/, on /ɔ̃/, én /ẽ/.
on n’ ricepe måy on betchfessî scrijha di deus ou troes letes : xh, jh, sch, sh, oe, oi, oen, ai.
on mete voltî li rcepeure inte deus cossoune : hantch·ler, e·cay·té,… apus k’ si c’ est dierinne cossoune do mot : djon·nesse (nén djon·nes·se),…
ôtmint, po les sillabes å lådje (ki s’ atchevèt pa des voyales), on mete li rcepeure dirî l' voyale : ri·tchô·kî,…
on n’ ricepe nén voltî (mins on l’ pout fé) on mot ki l’ prumî pî n’ a k’ ene lete : aprinde (u a·prinde),…