årmêye

Bodje « årm- » ‎(« åre »), avou l’ cawete « -êye », calcaedje do francès « armée »

• AFE :
  • diferins prononçaedjes : /ɒːʀ.mɛːj/ /ɔːʀ.mɛːj/ /ɑːʀ.mɛːj/ /oːʀ.mɛːj/ /ɑːʀ.mej/ Prononçaedje a radjouter
  • prononçaedje zero-cnoxheu : /ɔːʀ.mɛːj/ 
• Ricepeures : år·mêye

•  
  Ene årmêye si rind a ene ôte

årmêye femrin

1. (mot d’ militaire) institucion nåcionåle k' a sogne di disfinde on payis avou les åres.
   • Guillaume Apollinaire s' egadje a l' årmêye e 1914, et divant waire, vo l' la oficî — François Duysinx (fråze rifondowe).
   • Sol front d' l' Izer, les vîs-paltots n' avént pont d' fizik, et i boutént come des ovrîs po l' årmêye — Lucyin Mahin, ratournant Luc Vandeweyer, dins les memweres d’ on sôdår anverswès do 12inme redjimint, ritrové dins des Vîs papîs wårdés ås Årchives djeneråles do Rweyåme (fråze rifondowe).
   • On côp, c' esteut l' årmêye kel rindeut patriyote;
     Il eviyive ces la ki n' loumént nos piyotes
     Et k' maneuvrént sol rowe dizo l' ouy d' on sordjant.
     Ou c' esteut l' gårde civike, kel tchôkive el corote
     Po dner plaece ås tabeurs ki fjhént des rantamplans !
     — Louis Lagauche, "Li ptit hierdî" (1926), p. 114 (fråze rifondowe).
2. (mot d’ militaire) grand rashonnaedje di sôdårds po-z ataker ou disfinde.
   • Nos peres s’ ont sovint cassé l’ tiesse,
     Po sayî do rtrover l’ ritchesse,
     Ki dveut aveur sitî l’ trezôr d’ on rwè,
     K’ adschindént dvins l’ tins so nosse Mouze
     Avou ene årmêye po distrure li payis. — Joseph Vrindts, ”Vîx Lîge” (1901), p.177, “Es Châte” (fråze rifondowe).
   • Emile Colot, ki s’ aveut-st egadjî dins l’ årmêye francesse, si rtrouve Holandès; i rwangne si novea payis, tot rpassant pa l’ Iye Corsike; mins il î rtrouve ene djouguete, Bizete, k’ esteut avou lu e l’ årmêye — Li Rantoele, l° 102, p. 19-20.
   • Charles Martel kipårtixha si ptite årmêye e sacwants gropes. — Walter Schröder (fråze rifondowe).
   • Si bate årmêye conte årmêye n' est rén. Li picante odeur del poure, li foumire ki vs aveule, li brut ki vs estourdixh. On rçût s' daye ou on l' dene sins sepi...— Dieudonné Salme, Li houlot (fråze rifondowe).
3. (pa stindaedje do sinse) grande cwantité d' ene stocaesse sacwè.
   • Disconte tote ene årmêye d' adjeyants bokets d' rotches— Louis Lagauche, "Li ptit hierdî" (1926), p. 128 (fråze rifondowe).

1. siervi e l’ årmêye : siervi ene court moumint e l' årmêye diviè 20 ans, ene annêye å long tipicmint, po poleur esse rahoukî e tins d' guere.
2. mete l’ årmêye sol pî d’ guere
3. mete l’ årmêye sol pî d’ påye
4. c’ est ene vraiye årmêye batowe : c' e-st on veur disdut.
5. rindjî ene årmêye e bataye

• coir d’ Årmêye
• årmêye di tere
• årmêye di mer
• Grande Årmêye

• (siervi e l’ årmêye) : fé s’ tins d’ sôdård