Xhiltea

On xhiltea^[1], ancyinnmint on sounet^[2], c' est èn erîlé powinme di 14 vers, e cwate sitrofes, deus d' cwate vers (catlins) shuvowes di deus ôtes di troes vers (tîçlets).

Gn a sovint nén bråmint des rimes, kécfeye djusse cwate. Les deus cwatlins polnut esse adjinçnés al betchfesseye môde (ABBA), al croejhlêye (ABAB), u esse plats (AABB).

Gn a båmint des xhilteas ki s' fwaiynut avou des zandrins, mins ci n' est nén oblidjî.

Onk ki scrijheut voltî des xhilteas e walon, c' esteut l' Georges Willame.

Gn a eto Hinri Colete k' a scrît ene ramexhnêye di xhilteas, «Plomes do cok».

Loukîz a : «Sounet lidjwès å minisse (xhiltea)»

Vinoz, m' pitit colon...

Vinoz, m' pitit colon, vos ashir so mi schô.

Fwait a fwait ki dj' distchai, vos crexhoz : ça doet esse

A çki, did dins m' fåtûle, dji vs ravize pa l' finiesse :

Vos n' sondjîz k' a cori dsu l' rowe djouwer vosse sô.

El minme veye edoirmowe ki m' a veyou tant d' côps

Prinde les amdjoûs d' ivier po des dimegnes di fiesse,

Vos voerè fé l' djonne ome eyet rdressî vosse tiesse,

Paski l' feye do vijhén s' årè rtourné dsur vos.

Dispu ç' tins la, mi ami, dj' l' a yeu deur, ey abele

Si dj' sai k' å pus sovint l' bouneur est a scabele;

Adon, les bresses å lådje, dj' el ratindeu todi.

Mins vos sclidez d' mes djnos: vos djambes sont tchamosseyes ?

Coroz, drovoz vos bresses, n' aschoûtez pus çki dj' di;

Årdans ! m' pitit colon, prindoz l' monde a bresseyes. ^[3]

Loukîz a : «Plomes do cok (arimés)#Egzimpe di xhiltea»

divins Les sints e leus viyaedjes

so Wikisourd: Merci a vozôtes tertos

• (so l' Aberteke)
  • On xhiltea da Lucyin Mahin
  • On xhiltea da Félix Duval
• so Wikisourd: Categoreye:Xhilteas (pådje di tos les xhilteas eplaidpis so Wikisourd)

1. ↑ noûmot atåvlé pa les scrijheus lidjwès diviè 1900, dizo disfondowe «hiltê» (E175).
2. ↑ dizo vî scrijha «sònè», Houbiet Ora, «Sounet lidjwès å minisse (xhiltea)», 1622.
3. ↑ Georges Willame; arimé parexhou pol prumî côp divins La Vie Wallonne (t. 2, Lidje, 1922, p. 357.), pu rprins dins l' grosse antolodjeye da Piron.