Pexhon-cingue

Li pexhon-cingue u såbrene, c' est on pexhon del mer, longou et plat come ene cingue, sovint on gros mete long.

Il est pexhåve.

Sincieus no d' l' indje : Trichiurus lepturus.

Vicants, i sont d' on rlujhant bleu, mins après pexhaedje, i divnèt gris-årdjint.

Il ont ene grande gueuye avou come cwate crombès brokes, sol mashale do dzeu, djusse divant. Et et cwate sifwaits, mins pus ptits dints djusse padzo, sol babetch. Mins ci-ci est bråmint pus long, et co poirter des dints padvants ces brokes la.

Les naivurons dzeutrins corèt so tote li longueur do coir.

Les pus longs djourmåy pexhîs estént 2 metes longs; les pus gros pezént 5 kilos; les pus vîs avént 15 ans.

• 
  rilujhant bleu dins èn acwariom
• 
  gueuye å lådje
• 
  tos ses dints
• 
  naivuron dzeutrin
• 
  naivuron dvantrin

Come si gueuye el mostere mo bén, c' est des pexhons magneus d' tchå.

I magnèt les ôtes pexhons, les gurnåtes, et pår si rmagnî inte di zels (canibalisse).

On è trove so les boirds des mers et oceyans tchôds et mitan froeds, totavå l' monde, disk' a 350 metes fond.

So l' Atlantike levantrece, i vike del Nonne di l' Inglutere disca l' Nonne-Afrike, ey eto e l' Mîtrinne Mer. Sabaye s' i rmonte pacô disca l' Mer do Nôr?

Les pexhons-cingues rimontnut cobén dins les egoleures des mouzes.^[1]

On l' sieve e-n on grand boket, oubén côpé a ptitès trintches, cût u fornelés, u co coujhné a môde di souchi.

• 
  å martchand a Tokio
• 
  cût al paile
• 
  fornelé
• 
  a souchi

I gn a so les cmons Wikipedia des imådjes ou fitchîs son a vey avou les pexhons-cingues .

1. ↑ Gabriella Bianchi, Guide des ressources halieutiques de l’Atlantique marocain, FAO, Rome, 1984..