Gama-coûte (binde d' imådjes)
Gama-coûte, c' est ene binde d' imådjes scolincieuse askepeye pa Djozé Schoovaerts e 2013, so ene idêye da Nicolas Massager.
Ele serè shuvowe d' ene deujhinme, e 2017, on sincieus esplicaedje sol tecnike (Gama-coûte 2).
-
el professeur Massager
-
li minme
Såme
[candjî | candjî l’ côde wiki]I s' adjixheut di fé comprinde ås pacyins del radiocérudjeye çou ki lzî aléve atoumer, et les mete foû hisse.
Amontaedje del BD
[candjî | candjî l’ côde wiki]Cwate moes å long, Djozé va loukî les cotoûs do siervice, et toirtchî ses plantches.
Les bouyotes avént stî scrîtes aprume e walon disfondou pa José Schoovarts. ELe fourît rmetowes e rfondou walon pa Lucyin Mahin.
Adonpwis, li live serè ratourné e-n inglès på spiroutî lu-minme. C' est l' prumî côp k' ene binde d' imådjes tuzêye e walon va esse ratournêye e-n inglès.
Corwaitaedje do walon
[candjî | candjî l’ côde wiki]Li noûmot «gama-coûte» a stî foirdjî a pårti di l' inglès «gamma-knife» (coutea gama). On coûte, c' est ene pîce del tcherowe ki find l' tere divant l' schî. Ci mot la a ene sillabe permeteut d' awè l' minme grandeur et l' minme tcherpinte (aplacaedje tîxhon) ki l' mot inglès.
Prezintaedje do live dins les gazetes e walon
[candjî | candjî l’ côde wiki]- Li Rantoele l° 67 (Waeyén-tins 2013)
- Singuliers 3/2013
Shûte
[candjî | candjî l’ côde wiki]Li bédéyisse riprind si mwaisse persounaedje, Professeur Titôrvå, po djouwer on malåde ki s' va fé operer, pu ki va ene sincieuse conferince sol sudjet. C' est Gama-coûte 2.
Cisse deujhinme BI la parexhrè dins l' Rantoele-gazete e 2017.
Li modêye e walon est eplaideye et cossemêye pal soce nén recwårlante «Li Rantoele».