Johny Vansevenant

Johny Vansevenant (Roeseloare, 13 juli 1958) is e West-Vlamsche VRT-journalist, die ipgroeide in Lichtervelde en nu in Gent weunt.

Je studeerdege Germoansche toaln an den universiteit van Gent. Achter z'n legerdienst in 1980 dêed 'n verschillige interims in 't middelboar ounderwys. Vanof 1984 gaft 'n Nederlandsche lesse an Franstoalige ambtenoarn in Brussel. Je combineerdege 't ounderwys me reportagewerk by de gewestelike radio-omroep West-Vloandern. In januoari 1988 giengt 'n werkn by de radionieuwsdienst.

Sedert 1990 volgt 'n de Belgische polletiek vo de VRT en je werkt ôok by de televiezje ols interviewer in De Zevende Dag.

Johny Vansevenant is ossan bezeetn gewist van de velokoers uut de joarn '60 en '70 en je wos surtout fan van Eddy Merckx. Je wos gefascineerd deur de wielerverslaggevienge van Jan Wauters en Marc Stassijns.

T'hope me Patrick Cornillie van 't Nationaal Wielermuseum in Roeseloare het 'n een boek geschreevn: De mannen achter Merckx, woarin dat er e hêel dêel ploegmoats vertelln over Merckx ols coureur én ols mens, met 500 unieke foto's.