Jozef Verhaeghe (1919)
Belgischen militair
Jozef Verhaeghe (Iengelmunstr, 8 december 1919 - Kuurne, 24 meie 1940) was ne Belgischen militair.
Verhaeghe wos ne geweunen soldaat 12e linie - 4 Cie - klas 39. Je sneuvelde binst de Duutsche invalle in meie 1940 en weird begroavn in Bissegem ip 11 juni 1940.
Verhaeghe oat em binst de Leieslag in Kuurne ingegroavn. Hêel ollêne kostege y de Duutsers lange belettn om de Leie over te steekn, moa z'ein'm eindlyk toch kunn dôodschietn. Da maktege zôok nen indruk op de Duutschers dat y en begroavienge kreeg met Duitsche militaire êre. De Duutsche bevelebbers en ton Jozef ols vôorbeeld gesteld vôor ol under manschappn.
J'ès begroavn in Bissegem woa dat er ôok en stroate noar em genoemd ès.