Višnii Voločok

Višnii Voločok
Вышний Волочёк

Lidnanznam	Flag
Valdkund	Venäma
Eläjiden lugu (2020)	45,481 ristitud
Pind	54 km²
Pämez'	Aleksandr Borisov (tal'vku 2015—)
Telefonkod	+7−48 233-xx-xxx
Avtokod	69
Aigvö	UTC+3 (MSK+0)

Višnii Voločok (ven.: Вы́шний Волочёк) om Venäman lidn da lidnümbrik Tverin agjan keskuzpalan lodehes. Se om Višnii Voločokan rajonan administrativižeks keskuseks mugažo, ei mülü rajonha.

Eländpunkt mainitase ezmäižen kerdan Voskresenskan aigkirjas vl 1471, se om «ülätarabošsija». «Alatarabošsija» — nüg. Volok-külä (510 rist. vl 2010) Uz'lidnan agjas, sijadase lodeheze Boroviči-lidnaspäi.

Ezmäine Venämas Tvercan kanal om saudud lidnanno Petr I käskön mödhe vozil 1703−1722, ühtenzoitab Tverc-joged (Volgan bassein) Cnanjogenke (Baltijan meren massein). Vspäi 1770 Višnii Voločok om lidnan statusanke. Kanalad ühtenzoitiba ut Piter-pälidnad Venäman toižidenke lidnoidenke torguindteikš edel raudten sauvondad.

Višnii Voločokan ižandusen päsarakod oma tekstil'tegimišt (bumagonkombinat, trikotaž, omblendfabrik, edheotand pästamha villakoid) i sömtegimišt (liha- i leibkombinatad), mugažo stöklantegim (butulkad).

Lidn sijadase Cnanjogen i Višnii Voločokan vezivaradimen randoil (Il'mjärven bassein), Valdai-ülüden pohjoižpäivnouzmaižel röunal, 160 m ü.m.t. keskmäižel korktusel. Matkad Tverišpäi om 119 km lodeheze Moskv — Piter avtotedme vai raudtedme. Lähembaine lidn om Bologoje 50 km lodeheze sil-žo tel. Maksline kiruhavtote ümbärdab lidnad i vezivaradint päivlaskmaspäi.

Višnii Voločok om lidnümbrikon üks'jäine eländpunkt.

Vn 2010 Venäman rahvahanlugemižen mödhe lidnan eläjiden lugu oli 52 370 ristitud. Kaikiš suremb lidnan ristitišt oli 76 tuhad eläjid vl 1973. Kaik 47 732 eläjad oli lidnas vl 2017.

Ortodoksižen hristanuskondan 15 pühäpertid^[1] oma kaičenus i udessündutadud lidnas: Jumalanmaman Kazanin jumalaižen jumalankodi (päjumalanpert', koume jumalanpertid, kaks' kodijumalanpertid, kaks' časounäd), Jumalannägundan päjumalanpert', nell' jumalanpertid, kaks' časounäd.

Višnii Voločokan kolledž^[2] (edel 2012. vot mehaniž-tehnologine tehnikum i kaks' profškolad), medicinine kolledž^[3], Tverin torguimiž-ekonomižen kolledžan alajaguz oma lidnan professionaližen opendusen aluzkundoikš.

Avtobusad oma kundaližtransportaks lidnas da sen ümbrištos.

Višnii Voločok-raudtestancii radab. Ezilidnelektrojonused ühtenzoittas lidnad Bologojenke, Tverinke da Moskvanke.

• 
  Kodirandantedištandmuzei (2010)
• 
  Jumalanmaman Kazanin jumalaižen naižjumalankodi, vn 2020 nägu
• 
  Istorižed torguindrived, vn 2010 olend
• 
  Dramteatr (2010)
• 
  Lidnan päraudtestancii vl 2012

1. ↑ Višnii Voločokan pühäpertid sobory.ru-saital. (ven.)
2. ↑ Višnii Voločokan kolledžan sait (вв-колледж.рф). (ven.)
3. ↑ Višnii Voločokan medkolledžan sait (vvol-medkollege.nubex.ru) (ven.)

• Lidnan tobmuden aluzkundoiden oficialine sait (v-volok.ru). (ven.)

Višnii Voločok Vikiaitas