Taig (lidn)

Eländpunktan aluz om pandud sokhaze tahondha vl 1896 kuti Tomsk-Tajožnii-žilo sauvomha da holitamha Transsib-raudted da sen sarakod Tomskhasai. Žilo šingotihe teravas, saudihe nell' pühäpertid i ristitišt saihe 10 tuhazesai, kätihe Tomskan gubernijan lidnaks nügüdläiženke nimenke vn 1911 27. päiväl vilukud. Vll 1925−1943 mülüi Novosibirskan agjaha lidnaks agjan alištusenke.

Taig-lidn šingotase raudten edheotandoil (vedimiden i vagonoiden kohenduzdepod), mugažo omblendfabrik radab.

Lidn sijadase Jai-jogen hural randpolel (ven.: Яя, Čuliman hura ližajogi), 250 m ü.m.t. keskmäižel korktusel. Matkad Tomskan agjan röunhasai om 20 km pohjoižhe orhal, Kemerovohosai om 84 km suvipäivnouzmha orhal, 103 km avtotedme vai raudtel. Lähembaine lidn om Anžero-Sudžensk 25 km päivnouzmha orhal vai raudtel, 65 km avtotedme. Lähembaine lendimport om Tomskan «Bogaševo» 60 km lodeheze raudtedme.

Kaks' žilod da koume elänzoittud raudtesarad mülüdas lidnümbrikho Taigan ližaks. Lidnümbrikon pind — 553,44 km².

Vn 2010 Venäman rahvahanlugemižen mödhe lidnan eläjiden lugu oli 25 331 ristitud, lidnümbrikon — 27 424 ristitud. Kaikiš suremb lidnan ristitišt oli 33 860 eläjid vl 1959. Vl 2018 kaik 25 363 ristitud elihe lidnümbrikos.

Teiden tehnine škol i Taigan raudtetransportan institut^[1] (mülüb Omskan ühtenzoituzteiden valdkundaližhe universitetha) oma professionaližen opendusen aluzkundoikš.

•  
  Vezičuhunduz (2011)
•  
  Istorine Mangazov-torgovanan lauk vn 2010 tal'vkus
•  
  P36-klassan puruvedim-muštnik (2012)
•  
  Taig-päraudtestancii vl 2009

1. ↑ Taigan raudtetransportan institutan sait (tigt.site). (ven.)

• Lidnümbrikon Rahvahan Ezitajiden Nevondkundan oficialine sait (sndtgo.ru). (ven.)
• Lidnümbrikon Administracijan oficialine sait (adm-tayga.ru). (ven.)