Juto:Wikilove
Wikilove xe na parola che la xe vegnesta fora in te la mailing list internasionale de Wikipedia e la vol dire volerse ben e nar d'acordo tra de noialtri che scrivemo sula Wikipedia.
Sicome che ghe le teste de la gente no le xe mia tute compagne e anca noialtri no ghemo mia tute idee compagne ma volemo isteso darse na ma e parar invanti la baraca ghemo star tenti de no scaldarse fora de misura e de no darse titoli. Semo qua tuti par lo steso motivo:
- ne piase de catar fora, ordinar, e dar in giro a tuti i saveri e le conosense, da modo che ghin vegna fora la pì granda enziclopedia de tuti i tenpi.
Wikipedia no xe n'altro forum de ciacole: el xe un progeto par scriver xo par ben quelo che savemo xa.
Se se tegnemo ben in testa sto obietivo, sto ben che ghe volemo al saver, se provemo a meterse d'acordo su na posision neutra anche quando che la xe dura, se provemo par davero a scoltar la gente, elora podemo rivar in te lo stato del "Wikilove". Se no semo boni de far cusita la sarà la ciclopedia che la ndarà a ramengo. Ciacole continue e barufe poe far scapar via la gente nova, voxe che ghe da raxon a uno le fa scapar via quei che lexe che ghe daria raxon a n'altro... tute ste storie ala longa le manda a ramengo la nostra reputasion.
No ghe xe na formula segreta par volerse "Wikiben", ma qua ghe xe qualche roba che la xe bona da saver:
- No darte titoli co i altri, no tirar porchi, dixi le coxe come che te le ghe da dire e no sta far rabiare la gente
- No dirghe su fora de misura ai novi
- Portaghe de respeto a ste regole minime
- Serca la poxision neutrałe - scrivi voxe che le posa vegner leti e acetà da tuta la gente
- "Perdona e desmentega"
Bon laoro ma, prima de tuto, bon divertimento!