Cristianèzemo łiberałe

El cristianeximo liberale, o catoliseximo liberale, xe na corente relijoxa e pulitega, nasua e cresua in Europa inte el XIX secolo, che la mirava a metare insieme el pensiero cristian co i prinsipi liberali de libartà sivili e sociali. Se ga tratà de na corente tanto teoloxica cuanto pulitega. La corente liberale la ghea na particolar rilevansa drento la Ceza catolega.

No se pole definir par ben la corente relijoxa cristiana, par el fato che i catolisi liberali i ga idee che contradise chel che ghe xe scrito drento la Bibia e i Vanxeli.

Se scuaxi tuto el protestantexemo tradisionale eoropeo, pol esar considerà liberale, parò no xe cusì inte i Stati Unii, andove che ga ciapà pie confesion conservatrisi. Inte i Stati Unii i se definise drento al cristianexemo liberal chei che fa parte de calche Ceza protestante, anca se tante de cueste le xe de ispirasion puritane e congresionaliste, che col tenpo le se ga meso su poxision progresiste in canpo etico e sociale. In sto contesto, el termine liberal, el ga on significà difarente, dato che inte el mondo anglosasone significa "de sanca".

La teoloxia liberal ne insegna che:

• La Bibia no xe ispirada da Dio e contien dei erori. Contradixendo 2 Timoteo 3:16-17.
• La nasita de Cristo da na verjine xe on falso insegnamento mitoloxego. Sto cuà contradixe diretamente Isaia 7:14 e Luca 2.
• Gexù no l'é risorto dal sepolcro in forma corporea. Sto cuà contradixe i resoconti de la resuresion in tuti e cuatro i vanxeli e inte tuto el Novo Testamento.
• Gexù jera on bon insegnante moral, ma i so seguasi i se ga ciapà de le libartà co la storia de la so vita come riportada inte la Scritura, no i xe mai avegnui miracoli soranaturali. I Vanxeli, esendo scriti tanti ani pì tardi, i xe stai scriti dai primi disepoli par dar major pexo ai so insegnamenti. Sto cuà contradixe el pasajo de 2 Timoteo e la dotrina de la preservasion sovranatural de le Scriture da parte de Dio.
• L’inferno no xe reale. L'omo no l'é perso inte el pecà e no l'é condanà a calche judisio futuro sensa relasion co Cristo par mexo de la fede. L'omo pole jutarse, nisuna morte sacrifical de Cristo xe nesesaria, dato che Dio amorevole no mandaria le persone in un posto come l'inferno, soratuto in cuanto l'omo no l'é nato inte el pecà. Sta roba, contradixe Gexù steso, che el dichiarava de esar la Via verso de Dio, traverso la so morte ispiratrise. (Giovanni 14:6).
• La major parte dei autori umani de la Bibia no le xe le persone che credemo che le fuse tradisionalmente. Par exenpio, Mosè no'l ga mai scrito i primi sincue libri de la Bibia. El libro de Daniele l'é sta scrito da do autori parché no xe pusìbiłe che le profesie detagliade dei ultimi capitoli le se savese prima del tenpo; le ga da esar stae scrite dopo i fati. El steso tipo de pensiero el vien aplicà anca al Novo Testamento. Ste idee le contradixe no solo che le scriture, ma anca i documenti storisi che i verifica l'existensa de tute le persone che i liberali i nega.
• La roba pì inportante che ga da far el omo xe "amare" el so prosimo. La roba amorevole da far in tute le situasion no xe chel che la Bibia ne dixe de fare, ma chel cbe i teoloxi liberali i deside che sia "bon". Sta idea nega la dotrina de la depravasion total, che dixe che l'omo no xe in grado de fare gnente de bon e amorevole (Geremia 17:9) fin che no sarà redento da Cristo e no'l garà risevuo na nova nadura. (2 Corinzi 5:17).

• Scholia el detien schemi gràfeghi so Cristianèzemo łiberałe