Olivier Panis

Olivier Panis

Biografia
Nasimènto	2 de setenbre del 1966 (58 ani) Lion (Fransa)
Atività
Ocupasion	piłota automobiłìstego, ajente sportivo, piłota de Fòrmuła 1
Spor	automobiłismo
Partisipante in
	24 Ore di Le Mans (it)
Fameja
Fiołi	Aurélien Panis (it)

Olivier Denis Panis (Oullins, 2 de setenbre 1966) ze on ex [[automobilismo |pilota automobilistego]] [[Fransa |fransexe]] vinsidor del Gran Premio di Monaco 1996.

Panis ga debutà in F1 pitosto tardi, al'età de 27 ani, inte el Gran Premio del Brasil del 1994, al volante de na Ligier. El se mete subito in mostra grasie a on stil de guida agrexivo ben riasunto dal tentativo, durà on par de xiri, de evitar el dopiagio da parte dela Ferrari 412T2 de Jean Alesi durante el Gran Premio de Argentina del 1995. Inte el 1994 el otegne el seondo posto daanti al conpar de squadra Eric Bernard inte el Gran Premio di Germania vinto da l'austriego Gerhard Berger. L'ano sucexivo, el 1995, el xe oncora ala guida de na Ligier, e otegne on altro seondo posto, durante el Gran Premio de Australia, sora el podio insieme a Damon Hill e Gianni Morbidelli. Senpre al volante dela Ligier-Mugen, el se inpon par la prima olta al termine del teribile Gran Premio de Monaco del 1996, quando al traguardo le zunse sole quatro veture, Panis in on primo tenpo nol se acorge gnanca de verghe vinto, pensando che la vitoria la foxe del todesco Heinz-Harald Frentzen.

Inte el 1997 el team par cui el cure Panis el canbia proprietario, el novo paron el xe el quatro olte canpion del mondo Alain Prost, che ribatexa la scuderia col proprio nom. Panis sfruta l'otima monoposto (la JS45 Mugen-Honda) e le nove gome Bridgestone zunsendo seondo inte el Gran Premio di Spagna a pochi seondi dal vinsidor. Durante el Gran Premio del Canada, parò, Panis el perde inprovisamente el controlo dela so Prost e sbate violentemente contro na mureta, procurandose la fratura de entranbe le ganbe. El vien egregiamente sostituìo dal tajan Jarno Trulli che ga orso le so prime gare de l'ano debutando co la Minardi. Panis el rientra a fin stagion 1997 e termina sesto a Jerez.

L'inovativa Prost AP01 del 1998 la ga tanti problemi de aderensa, el modor el xe poco potente, e la Bridgestone ga puntà tuto sula McLaren, che ala fin dela stagion se laurerà canpion del mondo, e sula Benetton. Panis no coje punti iridai.

Dopo na stagion 1999 co poche risorse par svilupar la monoposto Prost e co scarsi risultati, Panis el dexide cussìta de lasar, dopo 6 ani, la scuderia franxese e de colaudar, i do ani sucexivi, le McLaren de Mika Häkkinen e David Coulthard. Inte el 2001 e 2002 porta in gara la BAR a modor Honda, asieme a l'ex-canpion del mondo Jacques Villeneuve. Inte el 2003 pasa ala Toyota al fianco de Cristiano da Matta, ma la vetura non la se rivela mia conpetitiva.

El 2004 el xe l'ultima stagion par Panis come guida in F1, la Toyota el sostituixe al'ultima gara co Jarno Trulli e 'ntee stagioni sucexive i ghe fida el conpito de colaudador, che el mantegne fino a tuta la stagione 2006 prima de ritirarsi dala F1.

Atualmente el milita inte el Trofeo Andros, la "Formula 1" dele nevi, co el team Toyota, fasendo da conpar de squadra ad Alain Prost. El prenderà parte col team Prodrive ala 24 Ore de Le Mans 2007 a bordo de na Aston Martin DBR9 e a svariae gare endurance internasionai.

• Wikimedia Commons el detien imàjini o altri file so Olivier Panis
• Scholia el detien schemi gràfeghi so Olivier Panis