Regno de Jugoslàvia

Ła "Jugoslavia" ła xe nasesta soto del nome de Regno dei Serbi, dei Croati e dei Sloveni a inte i dì dopo del Confarensa de Parize del 1918, a concluxion de ła Prima Guera Mondiałe. El novo Regno el xe sta proclamà el 1° de diçenbre 1918 dal prinsipe regente Aleksandar Karađorđević, soto el re Piero I Karađorđević. Ła Croasia, el teritorio sloveno, ła Bosnia e ł'Erzegovina (st'ultima anesa a ł'Inpero Austro-Ungarico inte el 1905 e riunìa co i altri teritori popołà dai slavi meridionałi de ł'inpero inte ło Stato dei Sloveni, dei Croati e dei Serbi el 29 de otobre del 1918) e el Montenegro, i gheva zà in precedensa ł'union col Regno de Servia.

Tanti i zera i contrasti interni inte el regno, de fato ła Sèrbia ła vedeva ła monarchia cofà na anesion teritoriałe al so teritòrio, anca parché ła burocrasia doparada ła zera cueła Serba, che ła zera stada estendesta e de consevensa ła se credeva èsar in derito de goernar el stato. No-ostante che łe fuse reconoseste tute łe etnie inte łe tere del regno, ai croati no ghe stava ben ła situasion, tanto che i ghea tacà dimandar pì autonomia. Inte el 6 de zenaro del 1929 ła zera stada instaurada na ditatura, e inte el 3 de otobre de l'isteso ano el regno dei Serbi, Croati e Sloveni el zera sta desfà e el zera sta sostituio dal Regno de Jugoslàvia, fondà sul fałimento dei conceti dei "trè Popołi in solché un Stato" e "uno Stato co trè nomi" che i rezaltava masa łe difarense intrà łe cultura costituenti de ła nasion, tacando na sèrie de reforme par descancełar tute łe difarense ètneghe.

•   Wikimedia Commons el detien imàjini o altri file so Rènjo de Jugoslavia
•   Scholia el detien schemi gràfeghi so Regno de Jugoslàvia