International Security Assistance Force

La Forsa Internasionałe de Asistensa par ła Seguresa (in ingleze: International Security Assistance Force, scursà: ISAF) ła ze sta na mision de ła NATO, autorizada da l'ONU, de sostegno al goerno de l'Afghanistan inte ła guera contro dei Tałebani e al-Qaida dopo del roversamento de l'Emirà islàmego de l'Afghanistan^[1][2].

International Security Assistance Force

Dati
Sorte	unità miłitare
Istòria
Creasion	disenbre 2001
Desołusion	disenbre 2014
Renpiasà da	Sostegno Decidesto
Governo d'impresa
Formà da	ISAF Joint Command (en)

Ła zera conponesta da na forsa internasionałe che ła doparava sirca 58.300 miłitari derivanti da na cuarantina de nasion. El ze stada formada su mandà del Consejo de Seguresa de łe Nasion Unie inte el 20 de disenbre 2001 col comando de téndar ła capitałe Kabul e ła arente baze aèrea de Bagram da Tałebani, ełementi de al-Qāʿida e ezèrsiti mersenari, e inte el spesìfego protèzar el goerno tranzitòrio guidà da Hamid Karzai^[3].

Durante de i primi du ani l'ISAF no ła ghea oparà de là dei i confini de ła sità de Kabul. L'incargo de ła seguresa inte el resto del teritòrio nasionałe ła ze sta fidà al neocostituio Ezèrsito Nasionałe Afghan. Isteso inte el 13 de otobre del 2003^[4], el Consejo de Seguresa el ga votà par esténdare el mandà de l'ISAF anca inte el resto de l'Afghanistan. de sevente el Primo Ministro canadeze Jean Chrétien el ghea dizesto che łe trupe canadezi (cuazi ła metà de l'intiera forsa) no łe saria stae doparae de fora de Kabul. Inte el 24 de otobre el Bundestag el ghea aprovà ła dòpara de łe trupe tedesche inte ła rejon de Kunduz. sirca 230 soldai i zera stai mandai inte ła rejon, i primi de l'ISAF a devegner doparai par de fora de Kabul.

El 28 de disenbre del 2014, dopo 13 ani de atività, ła finise ła mision ISAF^[5] e ła scumìsia ła mision Sostegno Decidesto (Resolute Support Mission) in contesto NATO.