taz-yiq

[ arab. – tazyiq; toraytirish; cheklash; ezish, jabr qilish; ezilish ]

1 Kuch bilan, zoʻrlab oʻtkaziladigan taʼsir, siquv. ◆ Jamoatchilikning tazyiqi. Tazyiq koʻrsatmoq. Oʻz fikrini tazyiq bilan oʻtkazmoq. ◆ Ingliz xoʻjayinlarining tazyiqi bilan Haydarxoʻja yana jiddiyroq ishga kirishdi. A. Hakimov, „Ilon izidan.“ ◆ Bir nafasgina qotgan xalq toʻlqini yana kuchliroq tazyiq va matonat bilan olgʻa sapchidi. Oybek, „Tanlangan asarlar.“

2 esk. fiz. Bosim. ◆ Suyuqlikning tazyiqi. ◆ Gʻoyat kuchli bosimga ega boʻlgan neftning yer ostidan qilib turgan tazyiqini qaytarib turgan narsa shu jins edi. "Fan va turmush".

ТАЗЙИҚ. Oʻzbek tilining izohli lugʻati (2022) maʼlumotlaridan foydalanilgan; q.Adabiyotlar roʻyxati.