[go: up one dir, main page]
Vikipediya

James Lawrence

James Alexander Lawrence (talaffuzi: Jeyms Aleksandr Lourens; 1992-yil 22-avgustda tugʻilgan) — professional futbolchi, hozirda Germaniyaning 1. FC Nürnberg klubi va Uels terma jamoasida oʻynaydi.

James Lawrence
Lawrence 2021-yilda Uels uchun o'ynamoqda
Shaxsiy maʼlumot
Toʻliq ismi James Alexander Lawrence[1]
Tavallud sanasi 22-avgust 1992-yil (1992-08-22) (32 yosh)
Tavallud joyi Henley-on-Thames, Angliya
Boʻyi 6 fut 2 inches (1.88 m)[2]
Ampluasi Markaziy himoyachi, yarim himoyachi
Klub maʼlumoti
Joriy klub
 Nürnberg
Raqami 4
Yoshligida aʼzo boʻlgan klublar
2001—2003 Arsenal
2005—2006 Queens Park Rangers
2008—2009 HFC Haarlem
2009—2011 Ajax
2011—2012 Sparta Rotterdam
Professional faoliyati*
Yillar Jamoa Isht. (Gol.)
2014—2018 AS Trenčín 86 (5)
2018—2020 Anderlecht 23 (0)
2019—2020 → St. Pauli (ijara) 14 (1)
2020—2022 St. Pauli 37 (0)
2022— Nürnberg 6 (0)
Milliy terma jamoa
2018— Uels 11 (0)
*Professional klublardagi gollari (ichki chempionat)
(2022-yil 9-sentyabr uchun)

Lawrence avvalroq St. Pauli, Anderlecht, AS Trenčín va Arsenal, Queens Park Rangers, Sparta Rotterdam hamda Ajax yoshlar jamoalarida oʻynagan[3].

Klubdagi faoliyati

tahrir

Dastlabki faoliyati

tahrir

Lawrencening ilk yoshlik faoliyatini oʻtkizgan klublariga Londonning Enfield, Arsenal va Queens Park Rangersi kiradi. 2008-yilda uning oilasi Niderlandiyaga koʻchib oʻtdi va u yerda Lawrence HFC Haarlemga qoʻshildi[4]. 2009-yilda Lawrence Haarlemni tark etib, Ajax safida oʻynay boshladi, u bilan 2010—2011-yillarda Gollandiya 19-yoshgacha boʻlganlar oʻrtasidagi Birinchi Divizion chempionligini qoʻlga kiritdi va unga Arsenal afsonasi Dennis Bergkamp murabbiylik qildi[4]. Lawrence Amsterdamdagi Johan Cruyff Institutiga oʻqishga kirgach, Jong Sparta Rotterdam va Jong RKC Waalwijk jamoalari bilan oʻyinlarini davom ettirgan[5].

AS Trenčín

tahrir

Lawrence 2014-yil 13-avgustda 21 yoshida AS Trenčínga oʻtdi va oʻsha kuni Slovakiya kubogi doirasida ŠK Strážskega qarshi oʻyinda debyut qildi[6]. Toʻrt kundan soʻng Lawrence Fortuna Ligada Kosicega qarshi oʻyinda 4:2 hisobida gʻalaba qozondi. 2015-yil 1-may kuni u AS Trenčínga birinchi Slovakiya kubogi oʻyinlarida gʻalaba qozonishda yordam berdi va Popraddagi finalda Senica klubini magʻlub etdi[7]. 2015-yil may oyida AS Trenčín birinchi marta Fortuna Liga chempioniga aylandi[8]. Lawrence shu tariqa birinchi katta mavsumida jamoasi bilan ham liga, ham kubok gʻalabasiga erishdi[9].

 
Lawrence Slovakiya kubogi bilan, Poprad 2015-yil

2014—2015-yilgi oʻrtacha yoshi 21.74 boʻlgan AS Trenčín chempionlari CIES Football Observatory tomonidan 2009—2017-yillarda 31 ta yuqori divizion Yevropa ligalari boʻyicha eng yosh chempionlar sifatida eʼtirof etildi[10].

Lawrence 2015-yilgi kubok finalida olgan jarohati tufayli 2014—2015-yil mavsumining oxiri va 2015—2016-yil mavsumining boshini oʻtkazib yubordi, u 2015-yil 13-okyabrda Slovakiya kubogining 4-turida maydonga tushib Blava Jaslovske Bohunice klubi ustidan 3:0 hisobida gʻalaba qozonib oʻyinlarga yana qaytdi. 2016-yilning 29-aprelida Slovakiya kubogi finalida Slovan Bratislava ustidan 3:1 hisobidagi gʻalaba Lawrence va AS Trenčín uchun ikkinchi Slovakiya kubogini olib keldi. 2016-yil 8-may kuni AS Trenčín Slovan Bratislavani 4:0 hisobida magʻlub etib, ketma-ket ikkinchi yil Fortuna Liga chempioniga aylandi[11]. Ikki mavsumdan soʻng, 2018-yil 16-avgustda Lawrencening Feyenoordni UEFA Yevropa ligasi saralash bosqichidan chiqarib yuborishdagi roli uni Anderlechtning eʼtiboriga tushishiga sabab boʻldi va Anderlecht atigi 13 kundan keyin Trenčín bilan transfer boʻyicha muzokaralar olib bordi[12].

Anderlecht

tahrir

2018-yil 29-avgustda Lawrence Belgiyaning eng muvaffaqiyatli liga klubi hisoblangan Anderlechtga qoʻshildi[13]. Lawrence 2018—2019-yilgi mavsumda Anderlecht safida 23 ta oʻyin oʻtkazdi, Anderlecht Jupiler Pro ligasida toʻrtinchi oʻrinni egalladi, pley-offda esa oltinchi oʻrinni egalladi va 56 yil ichida birinchi marta UEFA musobaqasini oʻtkazib yubordi[14]. 2019-yilning 19-mayida Manchester City hamda Belgiya terma jamoasining chap markaziy himoyachisi Vincent Kompany Anderlechtning oʻyinchi-menejeri lavozimini egallashi eʼlon qilindi va u Lawrenceni St. Pauli klubiga ijaraga oʻtishi uchun darhol shartnoma tuzdi[15][16][17].

FC St. Pauli

tahrir

2019-yil 22-avgustda Lawrence 2. Bundesliga vakili FC St. Pauliga 2019—2020-yilgi mavsum oxirigacha Anderlechtdan ijaraga olingan holda qoʻshildi[18][19]. U 2019-yilning 26-avgustida St. Pauli safida debyut qildi va Holstein Kiel ustidan 2:1 hisobida gʻalaba qozondi.

2020-yil 1-oktyabrda Lawrence Anderlechtdan St. Paulida doimiy oʻynash uchun transferni amalga oshirdi[20][21]. 2021-yil 6-martda u Karlsruher SC[22] mehmoni boʻlgan 0:0 hisobidagi durang oʻyinda birinchi marta St. Pauli sardori boʻldi va 2021-yilning 21-iyulida St. Paulining 2021—2022-yilgi mavsumi uchun vitse-sardori etib tayinlandi[23]. 2022-yilning 18-yanvarida Lawrence DFB-Pokal turnirida kubok ega Borussia Dortmundga qarshi uyida 2:1 hisobida gʻalaba qozonib, St. Paulini 16 yil ichida birinchi marta kubok chorak finaliga olib chiqdi[24]. 2022-yilning 13-mayida Lawrencening St. Pauli bilan shartnomasi uzaytirilmasligi maʼlum boʻldi[25].

1. FC Nürnberg

tahrir

2022-yil 22-iyulda Lawrence 2. Bundesliga vakili 1. FC Nürnberg klubiga qoʻshildi[26].

Xalqaro faoliyati

tahrir

2018-yilning 5-noyabrida Lawrence ilk bor Uels terma jamoasiga chaqirildi va u milliy terma jamoadagi ilk oʻyinini 2018-yilning 20-noyabrida Albaniyaga qarshi oʻrtoqlik uchrashuvida boshladi[27]. Lawrencening Uels terma jamoasidagi ilk raqobatbardosh oʻyini 2019-yil 24-mart kuni Cardiff City stadionida Slovakiyaga qarshi 1:0 hisobida gʻalaba qozonganida boʻldi[28]. 2020-yil 18-noyabrda Lawrence asosiy tarkibda maydonga tushdi, Uels UEFA Millatlar ligasining H guruhida gʻolib boʻldi, Finlandiyani 3:1 hisobida magʻlub etib, 2022-yil uchun Millatlar ligasining yuqori bosqichiga yoʻllanmani va 2022 FIFA Jahon chempionati saralashi uchun pley-offni qoʻlga kiritdi[29]. Lawrence 2021-yil 30-may kuni UEFA Euro 2020 musobaqasi uchun Uels terma jamoasiga kiritilgan, biroq oldingi kungi mashgʻulotda jarohat olgani sababli eʼlon qilingan kuniyoq safdan chiqishga majbur boʻlgan[30]. Lawrence Uels termasi uchun oʻtkazgan raqobatbardosh oʻyinlarida Slovakiya, Finlandiya, Chexiya hamda Belorussiyaga qarshi toʻrtta gʻalabani qoʻlga kiritib, Uelsni Millatlar ligasiga koʻtarilishiga yordam bergan va 2022-yilgi Jahon chempionatiga yoʻllanmani qoʻlga kiritgan davrda Xorvatiya, Vengriya hamda Belgiyaga safarda magʻlub boʻlgan.

Faoliyat statistikasi

tahrir

Klub

tahrir
2022-yil 9-sentabr holatiga ko'ra[2]:
Klub, mavsum va musobaqalar boʻyicha ishtirok va gollar
Klub Mavsum Liga Milliy kubok Kontinental Jami
Divizion Ishtirok Gollar Ishtirok Gollar Ishtirok Gollar Ishtirok Gollar
AS Trenčín 2014—2015 Slovakiya Super ligasi 18 0 7 1 0 0 25 1
2015—2016 Slovakiya Super ligasi 15 1 5 1 0 0 20 2
2016—2017 Slovakiya Super ligasi 25 3 4 1 5 2 34 6
2017—2018 Slovakiya Super ligasi 25 1 2 0 2 0 29 1
2018—2019 Slovakiya Super ligasi 3 0 0 0 6 1 9 1
Jami 86 5 18 3 13 3 117 11
Anderlecht 2018—2019 Belgiya Birinchi Divizioni A 23 0 0 0 3 0 26 0
FC St. Pauli (ijara) 2019—2020 2. Bundesliga 14 1 0 0 - 14 1
FC St. Pauli 2020—2021 2. Bundesliga 19 0 0 0 - 19 0
2021—2022 2. Bundesliga 18 0 3 0 - 21 0
Jami 37 0 3 0 0 0 40 0
1. FC Nürnberg 2022—2023 2. Bundesliga 6 0 1 0 - 7 0
Jami 6 0 1 0 - 7 0
Faoliyati jami 166 6 22 3 16 3 204 12

Xalqaro

tahrir
2021-yil 11-oktabr holatiga ko'ra[2]:
Terma jamoa va yil boʻyicha ishtirok va gollar
Milliy terma jamoa Yil Ishtirok Gollar
Uels 2018 1 0
2019 4 0
2020 2 0
2021 4 0
Jami 11 0

Yutuqlari

tahrir

AS Trenčín

  • Slovakiya Super ligasi: 2014—2015, 2015—2016[31]
  • Slovakiya kubogi: 2014—2015, 2015—2016[31]

Manbalar

tahrir
  1. ↑ „European Championship 2020: Booking List before Qualifying Round Matchday 10“. UEFA (2019-yil 17-noyabr). 2020-yil 24-noyabrda asl nusxadan arxivlangan. Qaraldi: 2020-yil 24-noyabr.
  2. ↑ 2,0 2,1 2,2 „J.Lawrence“. soccerway.com. Soccerway. Qaraldi: 2017-yil 4-noyabr.
  3. ↑ „Welcome James Alexander Lawrence!“. RSC Anderlecht (2018-yil 29-avgust). Qaraldi: 2021-yil 13-aprel.
  4. ↑ 4,0 4,1 „Who is James Lawrence? His heart scare at Ajax and life in Slovakia“. Sky Sports (2018-yil 5-noyabr). Qaraldi: 2019-yil 24-avgust.
  5. ↑ „The curious tale of the football international nobody ever heard of (because he was born in the wrong month)“. De Correspondent (2020-yil 14-aprel). Qaraldi: 2021-yil 13-aprel.
  6. ↑ „www.futbalnet.sk“. Qaraldi: 2015-yil 18-iyul.
  7. ↑ „AS Trenčín win maiden Slovak Cup“. Qaraldi: 2015-yil 2-may.
  8. ↑ „Trenčín seal historic Slovakian double“. Qaraldi: 2015-yil 21-may.
  9. ↑ „Jamie Lawrence has eyes on Slovakian double after mastering his own destiny“. Qaraldi: 2015-yil 12-iyul.
  10. ↑ „Reports – CIES“. CIES. Qaraldi: 2018-yil 26-fevral.
  11. ↑ „Trenčín ... take title“. Qaraldi: 2016-yil 17-may.
  12. ↑ „Feyenoord eliminated by Trencin after frustrating evening“, ad.nl, 16 August 2018, qaraldi: 12 April 2021
  13. ↑ „WELKOM JAMES ALEXANDER LAWRENCE!“. Anderlecht (2018-yil 29-avgust). Qaraldi: 2018-yil 30-avgust.
  14. ↑ „Anderlecht miss out on Europe ahead of Kompany arrival“. Reuters (2019-yil 19-may). 2019-yil 24-avgustda asl nusxadan arxivlangan. Qaraldi: 2022-yil 1-oktyabr.
  15. ↑ „Vincent Kompany leaves Manchester City“, mancity.com, 19 May 2019, qaraldi: 19 May 2019
  16. ↑ „Vincent Kompany leaves Manchester City to become Anderlecht player-manager“, BBC.co.uk, 19 May 2019, qaraldi: 19 May 2019
  17. ↑ „Boys in Brown Seal Lawrence Loan Deal“, fcstpauli.com, 22 August 2019, qaraldi: 12 April 2021
  18. ↑ „James Lawrence: Anderlecht defender joins Bundesliga 2 side St Pauli“. BBC (2019-yil 22-avgust). Qaraldi: 2019-yil 24-avgust.
  19. ↑ „Der FC St. Pauli leiht Innenverteidiger James Lawrence vom Anderlecht aus“ (German). FC St. Pauli (2019-yil 22-avgust). Qaraldi: 2019-yil 22-avgust.
  20. ↑ „FC St. Pauli sign James Lawrence“. C St. Pauli (2020-yil 1-oktyabr). Qaraldi: 2020-yil 1-oktyabr.
  21. ↑ „Verpflichtung von James Lawrence doch noch gelungen“ (German). kicker (2020-yil 1-oktyabr). Qaraldi: 2020-yil 1-oktyabr.
  22. ↑ „2nd Bundesliga 2020/21, 24th matchday“. kicker.de (2021-yil 6-mart). Qaraldi: 2021-yil 13-aprel.
  23. ↑ „Ziereis new captain - Lawrence vice-captain“. stpauli.com (2021-yil 21-iyul). Qaraldi: 2021-yil 23-iyul.
  24. ↑ „Bundesliga 2 leaders St. Pauli knock out DFB Cup holders Borussia Dortmund“. bundesliga.com (2022-yil 19-yanvar). Qaraldi: 2022-yil 19-yanvar.
  25. ↑ „Nach dem spiel gegen Düsseldorf: Abschied nehmen von sieben Kiezkickern“. fcstpauli.com (2022-yil 13-may). Qaraldi: 2022-yil 24-iyul.
  26. ↑ „James Lawrence: Wales defender joins FC Nuremberg=BBC“ (2022-yil 22-iyul). Qaraldi: 2022-yil 23-iyul.
  27. ↑ „Mixed feelings for Wales debutant Lawrence“. BBC Sport (2018-yil 21-noyabr). Qaraldi: 2018-yil 21-noyabr.
  28. ↑ „Line-ups“. UEFA. Qaraldi: 2019-yil 11-iyul.
  29. ↑ „A polished Wales overcame Finland's stubborn 10 men to win their Nations League group and clinch promotion to the competition's top flight“, BBC.co.uk, 18 November 2019, qaraldi: 12 April 2021
  30. ↑ „Wales defender James Lawrence ruled out of Euro 2020 with injury“. ITV (2021-yil 31-may). Qaraldi: 2021-yil 18-iyul.
  31. ↑ 31,0 31,1 „Brits Abroad: 8 Lesser Known Stars Making a Success of Their Footballing Careers Overseas“. 90 Min (2018-yil 15-sentyabr). 2022-yil 1-oktyabrda asl nusxadan arxivlangan. Qaraldi: 2022-yil 1-oktyabr.

Havolalar

tahrir 
"https://uz.wikipedia.org/w/index.php?title=James_Lawrence&oldid=5250300" dan olindi