Walter Sisulu Square of Dedication
Walter Sisulu Square i ndhawu leyi kumekaka exifundzheni-nkulu xa Gauteng, Johannesburg, a Soweto,exikarhi ka xitikwana xa Kliptown. Hi 1955 ntlawa wa vanhu lava ava lwisana na nfumo wa avanyiso[apartheid] va hlanganile eKliptown ku twa mavonelo ya vanhu hi kungu ra Papila ra Tinfanelo(Freedom Charter) leri kunguhatiweke hi Rusty Bernstein. Hi ti 26 Khotavuxika 1955. kwalomu ka magidi nharhu(3 000) wa varhangeri va maAfrika Dzonga va hlanganile eka Walter Sisulu Square ku ta tsala Papila ra Tinfanelo[1]. Ndhawo leyi yi vitaniwa hi vito ra nwatipolitiki loyi na yena a lwela ntshuxeko wa maAfrika Dzonga Walter Sisulu, a ri wun'wana wa varhangeri va African National Congress (ANC).
| Walter Sisulu Square of Dedication | |
|---|---|
 | |
| Muxaka | Ndhawu ya xitsundzuxo |
| Ndhawu | Kliptown, Soweto |
| Muaki | Rusty Bernstein |
Matimu
LulamisaWalter Sisulu Square of Dedication, mavumbelo ya xona ya vile saqwadi eka vaaki va xona va stuidio MAS. Hi ti 26 Khotavuxika ku vuriwa leswaku kwalomu ka magidi-nharhu wa vanhu va Afrika Dzonga, ngopfu-ngopfu vanwatipolitiki va hlanganile eka square xo thyaka xa ritshuri ku ta kunguhata hi goza leri va nga ta ri teka ku lwela tinfanelo ta maAfrika Dzonga. Laha hi kona la vanwatipolitiki kun'we ni vaaka tiko va Afrika Dzonga va nga tsala papila ra tinfanelo (Freedom Charter). Papila leri a ri nga lweli tinfanelo ntsena kambe ari lwela tiko leri nga ta fumiwa hi vanhu va tihlonge to hambana-hambana[2]. Papila ra Tinfanelo ri na nkoka swinene eka ntlawa wa ANC, naswona ndhawu leyi yi pfulrile tindlela to akiwa ka yindlu leyikulu ya Afrika Dzonga ya nawu. Ndhawu leyi a va hlangana ka yona a yi thyakile no va na ritshuri kambe namuntlha yi vitaniwa hi vito ro xiximeka swinene naswona yi hlayiwa eka ntlawa wa tindhawu ta ndhavuko. Hi ti 26 Khotavuxika 2005 khale ka murhangeri wa Afrika Dzonga Thabo Mbeki u lumekile ndzilo wo kombisa ntshuxeko, hi ndlela yo tlangela makume-ntlhanu wa malembe ya papila ra timfanelo (Freedom Charter).[2]
Tindhawu to koka mahlo
LulamisaWalter Sisulu Square xi rhendzeriwile hi tindhawu to hambana-hambana le ti hlanganisaka, hodela ya Soweto; mavhengele; ndhawu yo oxa nyama; ndhawu yo hlayisa tibuku, naswona yi na rivala le ri nga na swifanekiso swa vo nwatipolitiki.
-
Ribye leri nga tsariwa tinfanelo.
-
Makhumbi ya khume ya swikoxo swatimfanelo.
-
Hodela ya Soweto.
Makhumbi ya papila ra timfanelo
LulamisaRivala ra Walter Sisulu Square ri ni makhumbi ya khume lawa ma tsariweke swikoxo swa timfanelo leswi tsariweke eka papila ra timfanelo leswi landzelaka:
- Vanhu va ta fuma
- Mintlawa ya vanhu va tiko yi ta va ni timfanelo leti ringaneke
- Vanhu va ta avelana rifumo ra tiko
- Tiko ri ta avanyisiwa exikarhi ka lava ri tirhaka
- Hinkwavo va ta ringana emahlweni ka nawu
- Hinkwavo va ta tsakela timfanelo ta vanhu
- Ku ta va ni mintirho ni vuhlayiseki
- Minyangwa ya dyondzo ni ndhavuko yi ta pfuleka
- Ku ta va ni tiyindlu, vuhlayiseki ni vutshamiseki
- Ku ta va ni kurhula ni vunghana
Hodela ya Soweto
LulamisaHodela ya Soweto hi yona ntsena leyi kumekaka eSoweto, naswona yi hlawuriwa hi tinyeleti ta mune.
Minkombo ya vuxokoxoko
Lulamisa- ↑ "Walter Sisulu Square". www.waltersisulusquare.co.za. Archived from the original on 2015-07-25. Retrieved 2015-07-18.
- ↑ 2.0 2.1 "Kliptown and the Freedom Charter". www.southafrica.info. Archived from the original on 2015-07-25. Retrieved 2015-07-18.