Pamantasang Konkuk

Ang Pamantasang Konkuk (Ingles: Konkuk University, Koreano: 건국 대학교, Hanja: 建国 大 學校) ay isa sa mga nangungunang pribadong unibersidad na matatagpuan sa Seoul at Chungju . Ang campus ng Seoul ay matatagpuan sa dakong timog-silangan ng Seoul, malapit sa Ilog Han, at sineserbisyuhan ng isang istasyon ng metro na may parehong pangalan. Ang kampus ng Seoul ay may 11 di-gradwadong kolehiyo at 13 paaralang gradwado, samantalang ang GLOCAL campus sa Chungju ay binubuo ng apat di-gradwadong kolehiyo at apat paaralaang gradwado. ^{[1] [2]} Sa taong 2018, 29,600 ang mga nakatalang mag-aaral sa unibersidad, at may higit sa 3,000 guro at kawani.