Lansangang-bayang N190

Alinsunod sa pagtatakda ng Kagawaran ng Pagawaing Bayan at Lansangan (DPWH), binubuo ang N190 ng mga sumusunod na bahagi:^[2][3]

Nagsisimula ang N190 sa sangandaan nito sa Bulebar Roxas sa Pasay bilang Abenida Gil Puyat, isang pangunahing lansangang arteryal sa direksiyong silangan-pakanluran. Dumadaan sa pook na tinawag na Makati Central Business District. Babagtasin nito ang mga lansangan ng Abenida Harrison, Abenida Taft (N170), at Kalye Tramo sa Pasay, at Kalye Dian, Lansangang Osmeña (N145), Abenida Chino Roces, at Abenida Makati sa Makati bago magtapos sa sangandaan nito sa EDSA sa Makati. Hango ang pangalan nito mula kay Gil Puyat, na isang senador 1951–1972. Ang dating pangalan nito, Abenida Buendia, ay mula kay Nicolas Buendia na isang senador mula sa Bulacan noong dekada-1940.

 

Paglampas ng EDSA, tutuloy ang N190 bilang Karugtong ng Abenida Kalayaan na isang lansangang may panggitnang harangan at anim hanggang walong linya. Mayroon itong maliit na bahagi sa Taguig sa harap ng pasukan ng Bonifacio Global City. Nagbibigay ito ng daan papasok sa nasabing distritong pangkomersiyo.

Ang nalalabing bahagi ng Abenida Kalayaan na isang pang-apatang lansangan sa hilagang Makati ay nananatiling isang hindi nakabilang na pambansang daang tersiyaryo.