Kongkreto

Matatagpuan ang mga palapag na kongkreto sa palasyong makahari ng Tiryns, Gresya, na pinepetsahan ng mga 1400 hanggang 1200 BC.^[3][4] Ginamit ang mga pandidik ng apog sa Gresya, tulad ng sa Kreta at Tsipre, noong 800 BC. Ginawa ang Asiryong Akuweduktong Jerwan gamit ang kongkretong hindi tinatablan ng tubig.^[5] Kongkreto ang gamit para sa konstruksyon ng maraming sinaunang istraktura.^[6]

Ang kongkretong Maya sa mga guho ng Uxmal (850–925 A.D.) ay binanggit sa Incidents of Travel in the Yucatán ni John L. Stephens. "The roof is flat and had been covered with cement". (Ang bubong ay patag at natatakpan ng semento.)

Ang kongkreto ay isang artipisyal na materyal na komposito, na binubuo ng molde ng pambigkis na semento (tipikal na sementong Portland o aspalto) at isang watak-watak na yugto o "pampuno" ng pinagsama (tipikal na mabatong materyal, maliliit na bato, at buhangin). "Dumidikit" ang pambigkis sa pampuno upang buuin ang isang sintetikong kalipunan.^[7] Mayroong maraming uri ng kongkreto, na tinutukoy sa pamamagitan ng mga pormulasyon ng mga pambigkis at ang uri ng pinagsama na ginamit upang umangkop ang aplikasyon ng materyal na ininhinyero. Ang mga ito ay ang nagtutukoy ng tibay at densidad, gayon din ang lakas nitong kimikal at termal ng produktong natapos.

Ang kongkretong aspalto (tinatawag karaniwan bilang aspalto o asphalt,^[8] blacktop, or pavement sa Hilagang Amerika, at tarmac, bitumen macadam, or rolled asphalt sa Reyno Unido at ang Republika ng Irlanda) ay isang materyal na komposito na karaniwang ginagamit sa ibabaw ng mga kalsada o daan, paradahan, paliparan, gayon din sa pilapil ng mga dike.^[9] Ginagamit ang mga halong aspalto sa mga konstruksyon ng palitada simula pa noong simula ng ika-20 dantaon.^[10]